بىشكەكتەگى ورتالىق الاڭ مەن اقۇي اراسىندا بۇرىنعى دەپۋتاتتى بوستۋ جانە ۇكىمەتتى وتستاۆكاعا جىبەرۋ جونىندە تالاپ كوتەرىلدى. 2 ناۋرىز 2020 جىل. فوتو: الەۋمەتتى جەلىدەن

بىشكەكتىڭ الاتاۋ الاڭىندا ءوتىپ جاتقان اۋقىمدى ميتينگتە نارازىلار قاماۋداعى ساياساتكەر سادىر جاپپاروۆتى بوستاۋمەن قاتار ۇكىمەتتى وتۆستاۆكاعا جىبەرۋ، كونستيتۋتسيالىق رەفورما جۇرگىزۋ تالابىن قويىپ جاتىر.

بۇل جونىندە جوگوركۋ كەڭەشتىڭ بۇرىنعى سپيكەرى مۋكار چولپونباەۆ شەرۋدە ارنايىلاپ ءسوز سويلەدى. ول «ەلدەگى بىرقاتار كەمشىلىكتەردى جويۋ ءۇشىن اتازاڭدى وزگەرتىپ، ۇكىمەت وتستاۆكاعا كەتۋى كەرەك» دەدى.

«كونستيتۋتسيالىق رەفورمانى بۇگىن جاساماسا، ەرتەڭ كەش بولادى»، - دەيدى ەكس-ساياساتكەر.

بۇرىنعى دەپۋتاتتار وزدەرىنىڭ ارىپتەسىن اباقتىدان شىعارۋىن تالاپ ەتىپ جۇرتتى الاڭعا باستاپ باردى. 2 ناۋرىز 2020 جىل. فوتو: ازاتتىك راديوسى (قىرعىز قىزمەتى) / توكتوسۋن شامبەتوۆ

جينالعانداردىڭ باستى تالابى سادىر جاپپاروۆتى دەرەۋ بوساتۋعا سايادى. ۇيىمداستىرۋشىلار قارسىلىق اكتسياسىنا 5 مىڭعا تارتا ادام قاتىسىپ جاتقانىن حابارلادى.

جاپپاروۆتى قولداۋ قوزعالىسىنىڭ مۇشەسى باكاي اسقارباەۆتىڭ ايتۋىنشا، اباقتىداعى ساياساتكەردىڭ 10 جاقتاسى پرەزيدەنت سوورونباي جەەنبەكوۆكە جولىعۋعا اقۇيگە كىرگەن كورىنەدى. ولار ورتاق مامىلەگە كەلىپ شىققانشا، شەرۋ تارقامايتىنىن ۇقسايدى.

جاپپاروۆتىڭ قولداۋشىلارى ونى دەرەۋ بوستۋىن تالاپ ەتىپ جاتىر. 2 ناۋرىز 2020 جىل. فوتو: ازاتتىك راديوسى (قىرعىز قىزمەتى) / توكتوسۋن شامبەتوۆ

اكتسيانى جاپپاروۆتى قولداۋ قوزعالىسىنىڭ توراعاسى، جوگوركۋ كەڭەشتىڭ ەكس-دەپۋتاتى كانىبەك وسموناليەۆ جۇرگىزۋدە.

بىشكەك ورتالىعىنداعى جاڭا نارازىلىق. 2 ناۋرىز 2020 جىل. فوتو: ازاتتىك راديوسى (قىرعىز قىزمەتى) / توكتوسۋن شامبەتوۆ

جوگوركۋ كەڭەشتىڭ بۇرىنعى دەپۋتاتى سادىر جاپپاروۆ قۇمتور ماسەلەسىنە بايلانىستى بيلىككە قارسى بەلسەندىلىگىمەن تانىلعان. ول «2013 جىلى قاراكولدە ميتينگ ۇيىمداستىرىپ، ىسىقكولدىڭ سول كەزدەگى اكىمى ەميلبەك كاپتاگاەۆتى كەپىلدىككە الدى» دەگەن ايىپ بويىشا 2017 جىلى تەرگەۋ يزولياتورىنا قامالدى. 2019 جىلى جوعارعى سوت ونى ون جىلعا باس بوستاندىعىنان ايىرعان.

اباقتىداعى ساياساتكەر سادىر جاپپاروۆ. فوتو: ازاتتىك راديوسى (قىرعىز قىزمەتى) / اليشەر مۋتاليپوۆ

"The Qazaq Times"