Äl-Rimidiñ öltirilgeni rastaldı. Foto: VOA

«Tikeley barlau wyımı» (The Site Intelligence Group) jeksenbi küni taratqan mälimetinde, «äl-Kaida» tobınıñ Arab tübegindegi lideri Kassim Rimidiñ ölgenin rastadı, sonday-aq, atalğan terrorlıq toptıñ Yemendegi jaña jetekşisi Halid Batafi dep jariya etti.

Amerika Qwrama Ştattarınıñ prezidenti Donal'd Tramp aqpannıñ bas şeninde Yemendegi äskeri operaciya kezinde sol öñirdegi «äl-Kaida» jetekşisi äl-Rimidiñ öltirilgenin mälimdegen edi. Bwğan qosa Qwrama Ştat ükimeti «äl-Kaidanı» Arab tübegindegi eñ qauipti toptardıñ qatarında sanaydı. Tramp mälimdemesinde atalğan toptıñ Yemendegi müşeleri AQŞ äskerlerine birneşe ret şabuıl jasağan.

Äl-Rimi özi müşe bolğan terrorlıq top işinde joğarı bedelge ie, 2006 jılı aqpan ayında Yemende terrorlıq topqa qarsı jürgizilgen qarulı operaciyada 23 jaqtasımen birge aman qwtılıp ketken. Ol Yemendegi birqatar terrorlıq şabuıldarğa qatısı bar dep tanılğan. AQŞ ükimeti äl-Rimi turalı anıq mälimet beruşige 10 mln dollar sıyaqı da jariya etken.

 

“The Qazaq Times”