Bwrınnan tanıs Serik Zaynuldindi qayta tanıstıru jiınınan. Foto: Altay habarı

Bügin ŞQO äkimi Danial Ahmetov şu şıqqan audannıñ äkimin «belgisiz sebeppen» auıstırdı.

Osığan deyin eki märte Zaysan audanın basqarğan Serik Zinabekwlı Zaynuldin üşinşi ret eski bılğarı kreslosına jayğastı. Al audandı on ayday basqarğan Serik Aqtanov jergilikti äkimdik tüsindiru jwmıstarın uaqıtında jürgizbedi degen uäjben attan tüsken.

19 aqpanda Şığıs Qazaqstan oblısınıñ qiır şığısındağı Zaysan audanına qarastı Sarıterek jäne Aynabwlaq auılınıñ twrğındarı auıl ambulatoriyasınıñ aldına jinalıp, narazılıq bildirgen bolatın. Olar äleumettik jelilerde tarağan «Zaysan audanında bir top adam koronavirus jwqtırdı. Qıtaymen şekarada infekciya jwqtırğan adamdardı auıl ambulatoriyasında emdeu üşin alıp keledi» degen aqparattı estip, män-jaydı bilu üşin jinalğan. Sonday-aq mwnday şeşimge üzildi-kesildi qarsı ekenin aytqan.

Äleumettik jeli qoldanuşıları auıs-tüyistiñ sebebin «halıqtı köşege şığarıp aluımen», «Zaysanğa jatqızılmaq bolğan qırıq şaqtı qıtaydıñ elge mälim bolıp qaluımen» baylanıstıradı.

;feature=emb_title

Serik Zaynuldin 1964 jılğı 25 aqpanda Zaysan audanınıñ Zaysan qalasında tuğan. 1981 jılı Aynabwlaq orta mektebin tämamdadı.

  • 1981-1986 jıldarı – Semey zooveterinarlıq institutı zootehnikalıq fakul'tetiniñ studenti;
  • 1986-1991 jıldarı Zaysan audanındağı «Aynabwlaq» keñşarında bas zootehnik bolıp jwmıs istedi;
  • 1991-1993 jıldarı – «Aynabwlaq» keñşarınıñ direktorı, 1997 jılğa deyin - audandıq auılşaruaşılıq basqarmasınıñ bastığı;
  • 1997-2004 jıldarı Serik Zinabekwlı Zaysan audanı äkiminiñ auıl şaruaşılığı, qwrılıs jäne twrğın üy-kommunaldı şaruaşılıq mäselelerine basşılıq etetin orınbasarı;
  • 2004-2005 jıldarı Zaysan audanı äkiminiñ mindetin atqaruşı qızmetinde boldı;
  • 2007-2010 jıldarı Katonqarağay audanınıñ äkimi;
  • 2010-2013 jıldarı Zaysan audanınıñ äkimi qızmetterin atqardı;
  • 2013 jıldıñ 28 mausımınan beri Ürjar audanınıñ äkimi qızmetin atqarıp kelgen.

"The Qazaq Times"