Foto: https://static.seattletimes.com

Iran Qıtayğa wşatın jolauşılar reysterin toqtattı. Bwl turalı Irannıñ Azamattıq aviaciya wyımı habarladı.

31 qañtarda Iran men Qıtay arasındağı tikeley reyster koronavirustıñ taraluına baylanıstı uaqıtşa toqtatıldı. Aviaciya taratqan resmi mälimdemede: «Qıtayğa wşatın jolauşılar reysteri toqtatıldı, biraq jük reysteri koronavirustıñ taraluın boldırmau üşin Densaulıq saqtau ministrliginiñ baqılauında boladı», – delingen.

Bwğan deyin irandıq Kumda koronoavirustan eki adam qaytıs bolıp, bes adam auru jwqtırğan. Sol sebepti Kum qalasınıñ äkimdigi sol şahardağı mektepter men universitetterdi jabu turalı şeşim qabıldadı.

Ayta keteyik, oşağı Qıtaydan bastalıp älemge tarağan qaterli koronavirus indetinen 2010 kisi köz jwmıp, 75,1 mıñ adam jwqtırğan. Düniejüzilik densaulıq saqtau wyımınıñ atalğan indettiñ adam men ekonomikağa zalalı orasan degen mälimdemesinen keyin, birqatar memleketter Qıtaydağı azamattarın evakuaciyaladı.

"The Qazaq Times"