يران قىتايعا ۇشاتىن جولاۋشىلار رەيستەرىن توقتاتتى. بۇل تۋرالى يراننىڭ ازاماتتىق اۆياتسيا ۇيىمى حابارلادى.
31 قاڭتاردا يران مەن قىتاي اراسىنداعى تىكەلەي رەيستەر كوروناۆيرۋستىڭ تارالۋىنا بايلانىستى ۋاقىتشا توقتاتىلدى. اۆياتسيا تاراتقان رەسمي مالىمدەمەدە: «قىتايعا ۇشاتىن جولاۋشىلار رەيستەرى توقتاتىلدى، بىراق جۇك رەيستەرى كوروناۆيرۋستىڭ تارالۋىن بولدىرماۋ ءۇشىن دەنساۋلىق ساقتاۋ مينيسترلىگىنىڭ باقىلاۋىندا بولادى»، – دەلىنگەن.
بۇعان دەيىن يراندىق كۋمدا كورونواۆيرۋستان ەكى ادام قايتىس بولىپ، بەس ادام اۋرۋ جۇقتىرعان. سول سەبەپتى كۋم قالاسىنىڭ اكىمدىگى سول شاھارداعى مەكتەپتەر مەن ۋنيۆەرسيتەتتەردى جابۋ تۋرالى شەشىم قابىلدادى.
ايتا كەتەيىك، وشاعى قىتايدان باستالىپ الەمگە تاراعان قاتەرلى كوروناۆيرۋس ىندەتىنەن 2010 كىسى كوز جۇمىپ، 75,1 مىڭ ادام جۇقتىرعان. دۇنيەجۇزىلىك دەنساۋلىق ساقتاۋ ۇيىمىنىڭ اتالعان ىندەتتىڭ ادام مەن ەكونوميكاعا زالالى وراسان دەگەن مالىمدەمەسىنەن كەيىن، بىرقاتار مەملەكەتتەر قىتايداعى ازاماتتارىن ەۆاكۋاتسيالادى.
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى