Qazaqstan prezidenti Qasım-Jomart Toqaev jäne Kanada prem'er-ministri Djastin Tryudo. Foto: Aqorda

Qauipsizdik jönindegi Myunhen konferenciyası ayasında Qazaqstan prezidenti Qasım-Jomart Toqaev Kanada prem'er-ministri Djastin Tryudomen kezdesu ötkizdi.

Taraptar Qazaqstan men Kanada arasındağı sauda-ekonomikalıq, investiciyalıq jäne mädeni-gumanitarlıq ıntımaqtastıqtıñ qazirgi ahualı men perspektivaların talqılap, halıqaralıq wyımdar ayasındağı ıqpaldastıqtı qarastırdı, sonday-aq, halıqaralıq kün tärtibindegi özekti mäseleler boyınşa pikir almastı.

Prezident Toqaev sözinde: «Biz Kanadamen tığız qarım-qatınas ornattıq. Intımaqtastığımızdıñ qazirgi deñgeyin joğarı bağalaymız. Elderimiz arasındağı özara ıqpaldastıqtıñ ayasın odan äri keñeyte tüsemiz dep ümittenemiz», – dese, Djastin Tryudo energetika salasındağı baylanıstı damıtuğa nietti ekenin ayttı.

2018 jılı Qazaqstan men Kanada arasındağı tauar aynalımı 255,4 mln. dollar, onıñ işinde eksport – 145,8 mln. dollar, import – 109,6 mln. Dollarğa jetken. 2005 jıldan beri Kanadadan Qazaqstanğa jetkiziletin TŞI-diñ jalpı kölemi 4,6 mlrd. dollardan astı. 2018 jıldıñ qorıtındısı boyınşa QR-dağı tikeley kanadalıq investiciyalar kölemi 182 mln. Dollarınan asqan. Ekijaqtı isker äriptestikti nığaytu üşin 2016 jılı Qazaqstan-Kanada iskerlik keñesi qwrıldı.

"The Qazaq Times"