قاۋىپسىزدىك جونىندەگى ميۋنحەن كونفەرەنتسياسى اياسىندا قازاقستان پرەزيدەنتى قاسىم-جومارت توقاەۆ كانادا پرەمەر-ءمينيسترى دجاستين تريۋدومەن كەزدەسۋ وتكىزدى.
تاراپتار قازاقستان مەن كانادا اراسىنداعى ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلاپ، حالىقارالىق ۇيىمدار اياسىنداعى ىقپالداستىقتى قاراستىردى، سونداي-اق، حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
پرەزيدەنت توقاەۆ سوزىندە: «ءبىز كانادامەن تىعىز قارىم-قاتىناس ورناتتىق. ىنتىماقتاستىعىمىزدىڭ قازىرگى دەڭگەيىن جوعارى باعالايمىز. ەلدەرىمىز اراسىنداعى ءوزارا ىقپالداستىقتىڭ اياسىن ودان ءارى كەڭەيتە تۇسەمىز دەپ ۇمىتتەنەمىز»، – دەسە، دجاستين تريۋدو ەنەرگەتيكا سالاسىنداعى بايلانىستى دامىتۋعا نيەتتى ەكەنىن ايتتى.
2018 جىلى قازاقستان مەن كانادا اراسىنداعى تاۋار اينالىمى 255,4 ملن. دوللار، ونىڭ ىشىندە ەكسپورت – 145,8 ملن. دوللار، يمپورت – 109,6 ملن. دوللارعا جەتكەن. 2005 جىلدان بەرى كانادادان قازاقستانعا جەتكىزىلەتىن تشي-ءدىڭ جالپى كولەمى 4,6 ملرد. دوللاردان استى. 2018 جىلدىڭ قورىتىندىسى بويىنشا قر-داعى تىكەلەي كانادالىق ينۆەستيتسيالار كولەمى 182 ملن. دوللارىنان اسقان. ەكىجاقتى ىسكەر ارىپتەستىكتى نىعايتۋ ءۇشىن 2016 جىلى قازاقستان-كانادا ىسكەرلىك كەڭەسى قۇرىلدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟