"Qazaqstan biligi". Körneki kollaj: QT

Ayswltan Nazarbaevtıñ äleumettik jelidegi parağında jariyalanğan kezekti jazbadan soñ, aqparat jäne qoğamdıq damu ministri Däuren Abaev dereu pikir bildirdi.

13 aqpanda Habar arnasındağı «Otkrıtıy dialog» bağdarlamasında Qazaqstan biliginen alğaş ret soñğı kezderi qoğamda zor talqığa aynalğan Ayswltannıñ jazbaları turalı «saray közqarasın» kesimdi jetkizgen Abaev «onıñ jazğanınan göri densaulığına alañdaydı».

Jazbağa män bermeytini – onı «äldebir adamdardıñ manipulyaciyasınıñ ıqpalımen jazıp otır» dep sanaydı.

Bilik ökilderiniñ şalıs ne jañsaq aytqan sözin jii «täpsirlep, qayta tüsindiretin» ministr alğaş ret resmi türde söz bolğan taqırıptı «jabatın uaqıt keldi, birinşi prezidenttiñ jieni bolğanı üşin ğana täueldi adamnıñ qiyalınan spekulyaciya jasau – ädiletsiz, moral'ğa sıymaydı. ...bwl oqiğalar Nwrswltan Nazarbaevtı diskreditaciyalau amalı, las oyın» dedi.

;feature=emb_title

Memlekettik BAQ-pen qoyan-qoltıq jwmıs isteytin, azamattıq jurnalistikanıñ mäselelerine jetkilikti deñgeyde moyın bwra bermeytin aqparat ministri aqsaraydıñ «altın jolaqtı arnasına» bergen swqbatında «Keybir toptar jalğan aqparat taratıp, ülken kompaniyalardıñ, jeke adamdardıñ, tipti bütin bir eldiñ abıroyına nwqsan keltirip jürgenin körip jürmiz. Biraq mwnıñ artında jımısqı oy, payda köru nieti twradı jäne mwnday mısaldar soñğı uaqıtta bizdiñ elde de köbeyip keledi. Mwnıñ soñı arandap qaluğa äkelui mümkin. Ayswltanğa qatıstı da osını aytqım keledi. Bwl – birinşi kezekte onıñ anasınıñ tragediyası. Ana üşin balasınan asqan qanday qımbat närse boluı mümkin? Keybireuler osı oqiğağa elbasın da aralastırğısı keledi. Şu jasap, eldi dürliktiruge tırısadı. Biraq halıqtıñ bağına tuğan jaqsımızdı qañqu sözge qalay qiyamız? Öziñiz oylañızşı, ekonomikası qwldırağan, joq bop ketken, öndirisi toqtağan eldi 30 jılda qazirgidey deñgeyge köteru kimniñ qolınan keledi?» dedi.

Bıltır qazanda Londonda jergilikti policeyge qarsılıq tanıtıp, isti bolğan, keyinnen äleumettik jelide, aqparat qwraldarında video-mätin formatında «bilik äuletiniñ» ärtürli işki-memlekettik mäseleleri boyınşa atışulı mälimdeme jasap jürgen Ayswltan Nazarbaevtıñ äreketine baylanıstı otbası müşeleri eşqanday pikir bildirmedi.

Aqparat ministri Abaevtıñ pikiri turalı azamattıq qoğam ökilderi «saraydıñ advokatı», «älsiz argumentpen äspetteu», «postkeñestik elderdiñ bäri nölden bastadı, tek Qazaqstan emes» degen sarında sipattay bastadı.

“The Qazaq Times”