Körneki kollaj. Foto: QT

Qazaqstanda 2023 jılğa deyin aqböken atuğa tıyım salındı. Bwl şara kiikterdiñ sanın köbeytip, olardı saqtau maqsatında jasalıp otır. Sayın dalanıñ säni sanalatın aqbökendi ayausız qırıp, müyizin payda qılğısı keletinder azaymay otır.

QR Ekologiya, geologiya jäne tabiği resurstar ministrliginiñ Orman şaruaşılığı jäne januarlar düniesi komitetiniñ baspasöz hatşısı Säken Dildahmettiñ aytuınşa, biologiyalıq negizdeme memlekettik ekologiyalıq saraptamamen maqwldağan.

Kiikti atuğa tıyım salu turalı bwyrıq resmi türde jariyalanğannan keyin 10 künniñ işinde (20 aqpanda) küşine enedi.

«Özderiñiz biletindey, Qazaqstanda 2015 jılı 150 mıñnan astam kiik qırılğan edi. Sol sebepti 2015 jıldan bastap 2019 jıldıñ 31 jeltoqsanğa deyin kiikterdi atuğa tıyım salınğan edi. Endi kiiktiñ sanın köbeytu üşin bwl merzim 2023 jılğa deyin wzartıldı. Jalpı kiik Qızıl kitapqa engizilmegen. Zañmen şektep qana qoymay, bwl bağıtta ärtürli jwmıstardı jürgizip jatırmız. Maqsat – kiik sanın 500 mıñğa jetkizu», - deydi Säken Dildahmet.

El aumağındağı kiik mekendeytin üş populyaciyanıñ jağdayı birdey emes. Üstirt aymağındağı kiikter sanı 5900 ğana, tım kürdeli. Betbaqdala populyaciyasında 111 500 kiik bar.

“The Qazaq Times”