كورنەكى كوللاج. فوتو: QT

قازاقستاندا 2023 جىلعا دەيىن اقبوكەن اتۋعا تىيىم سالىندى. بۇل شارا كيىكتەردىڭ سانىن كوبەيتىپ، ولاردى ساقتاۋ ماقساتىندا جاسالىپ وتىر. سايىن دالانىڭ ءسانى سانالاتىن اقبوكەندى اياۋسىز قىرىپ، ءمۇيىزىن پايدا قىلعىسى كەلەتىندەر ازايماي وتىر.

قر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەتتىڭ ايتۋىنشا, بيولوگيالىق نەگىزدەمە مەملەكەتتىك ەكولوگيالىق ساراپتامامەن ماقۇلداعان.

كيىكتى اتۋعا تىيىم سالۋ تۋرالى بۇيرىق رەسمي تۇردە جاريالانعاننان كەيىن 10 كۇننىڭ ىشىندە (20 اقپاندا) كۇشىنە ەنەدى.

«وزدەرىڭىز بىلەتىندەي، قازاقستاندا 2015 جىلى 150 مىڭنان استام كيىك قىرىلعان ەدى. سول سەبەپتى 2015 جىلدان باستاپ 2019 جىلدىڭ 31 جەلتوقسانعا دەيىن كيىكتەردى اتۋعا تىيىم سالىنعان ەدى. ەندى كيىكتىڭ سانىن كوبەيتۋ ءۇشىن بۇل مەرزىم 2023 جىلعا دەيىن ۇزارتىلدى. جالپى كيىك قىزىل كىتاپقا ەنگىزىلمەگەن. زاڭمەن شەكتەپ قانا قويماي، بۇل باعىتتا ءارتۇرلى جۇمىستاردى جۇرگىزىپ جاتىرمىز. ماقسات – كيىك سانىن 500 مىڭعا جەتكىزۋ»، - دەيدى ساكەن دىلداحمەت.

ەل اۋماعىنداعى كيىك مەكەندەيتىن ءۇش پوپۋلياتسيانىڭ جاعدايى بىردەي ەمەس. ءۇستىرت ايماعىنداعى كيىكتەر سانى 5900 عانا، تىم كۇردەلى. بەتباقدالا پوپۋلياتسياسىندا 111 500 كيىك بار.

“The Qazaq Times”