Oqiğa ornınan tarağan videodan skrin-qiındı. Foto: aşıq derekköz

7 aqpan keşki sağat 19:00-de Qorday audanınıñ Masanşı auılında 70-ten astam adam töbelesi bolğan. Äleumettik jelide tarağan janjaldıñ videosın körgen özge aymaqtağı 300-dey azamat oqiğağa aralasqan. Jappay töbeleste eki jaq bir-birine tas laqtırıp, tayaq-qaru qoldanğan. Saldarınan 8 adam köz jwmıp, 40-tan köp kisi jaralanğan.

Bügin tüste astanada ötken Ortalıq kommunikaciya qızmetindegi brifingte işki ister ministri Erlan Twrğımbaevtıñ mälimdeuinşe, qazir birneşe «bwzaqılıq» jäne «kisi öltiru» baptarımen is qozğalğan. Äzirge anıqtalğan derekterge qarağanda, qazaq-düngen qaqtığısında 30-dan astam twrğın üy, 15 sauda dükeni, 23 avtokölik örtengen. Operativti toptıñ jwmısı nätijesinde, 47 küdikti wstalıp, onıñ ekeuinen qaru qwralı tärkilenipti.

Tärtipti baqılau maqsatında aymaqta policiya qızmetkerleri men Wlttıq wlan jwmıldırıldı. Aqparat ministri Däuren Abaev «aqparat taratuda abay boluğa» şaqırıp, «bir auılda twrmıstıq daudan tuğan konfliktiniñ örşip ketuin» wltarazdıq aqparat taratuşı arandatuşılardan köredi.

– Berdibek Saparbaev bastağan komissiya qazir Qorday audanına bara jatır. Biz qazir Qazaqstan halqı assambleyası ökilderin, jergilikti aqsaqaldar men qoğam qayratkerlerin, imamdardı tarta otırıp, halıqtı sabırğa şaqıramız. Qazir alañdaytın, eldi dürliktiretin negiz joq, – dedi Abaev.

Resmi uäkilder oqiğağa qatıstı jalğan aqparat tartuşılar qatañ jauapqa tartılıp, jazasız qalmaytının qadap eskertti.

Prezident Toqaevtıñ tapsırmasımen vice-prem'er Berdibek Saparbaev törağalıq etetin  ükimet komissiyası qwrıldı. Bas prokuratura men WQK iske kiristi.

Memleket basşısı ündeuinde «Bwl ahualdı arandatuşılar öz maqsatına paydalandı. Ökinişke qaray, bwl oqiğa kezinde adam şığını boldı. Men qaza bolğan azamattardıñ otbasılarına köñil aytamın. Zardap şekkenderdiñ tezirek sauığıp ketuine tilektespin. ...Jambıl oblısı äkimimen birlesip, qaza bolğandardı jerleu, zardap şekkenderge kömektesu jwmıstarın wyımdastıradı. Sonday-aq, jağdaydı twraqtandırumen aynalısadı. Qoğamdıq tärtipti bwzğandar anıqtalıp, qatañ jauapqa tartılatın boladı. Memleketimizdiñ müddesine ziyan keltiretin, bereke-birligimizdi bwzatın jäne jalğan aqparat taratqan azamattar zañ aldında jauap beredi», – dedi.

;feature=emb_title

Jelide tarağan videolardan policey qızmetkerine bağınbay, qol köterip qarsılasqan äldebir azamattıñ äreketin köruge boladı. Beyresmi derek közderi boyınşa oqiğa motivi aytılıp jür. El auzındağı bir nwsqada «jwma küni Masançi auılında qazaq qariyağa birneşe düngen azamatınıñ qol kötergen soñ, tärtip saqşılarınıñ zañdı nwsqauına bağınbağan bwzaqılar janjal şığarğanı, soñı wltarazdıq qaqtığısqa wlasqanı» aytıluda.

Jağdaydıñ kürdeleskeni sonşa, tipti Qorday audanına özge audannıñ policiya qızmetkerleri jwmıldırılğan. Äleumettik jelide tarağan derekterge süyensek, toptıq töbeles wltaralıq qaqtığısqa wlasqan boluı mümkin. Jergilikti jwrttıñ arasında tuğan janjaldıñ qandayda bir wltarazdıq sipatı barı jöninde resmi aqparat berilmedi.

Almatıda Baraholka atalıp ketken Soltüstik aynalma tas jolındağı sauda ortalıqtarınıñ biri «YAlyan» bazarınıñ mañın policeyler men Wlttıq wlan baqılauğa alğanı habarlandı. Bügin saudanıñ qızu küni, senbide bazar jwmıs istemey twr. Mwnı qwqıq qorğau organınıñ ökili örtke qarsı oqu-jattığumen baylanıstı tüsindirdi. Policey mwnıñ Qorday audanındağı Masançi tragediyasına qatısı joqtığın jäne Almatıda jalğaspaytının aytqan. Keybir derekközderge qarağanda, bazar mañında ört söndiru köligi bayqalmaydı, tek policiya kölikteri men äskeri jük köligi ğana twr desedi.

Halıq arasında Baraholka atalıp ketken Almatı bazarların äskeri qızmetkerler baqılauğa alğan. 8 aqpan 2020 jıl. Foto: Vlast

“The Qazaq Times”