Resey prezidenti Vladimir Putin. Foto: https://inforesist.org

Europalıq odaq, AQŞ jäne Kanada «agressiyalıq sayasat wstanıp, Qırımdı jaulauğa tırısqanı üşin» Reseyge qarsı ekonomikalıq sankciya engizdi.

Mälimetter boyınşa, Reseydiñ qoldauına ie bolıp, Qırımda zañsız äreket etip otırğan segiz adamğa sankciya engizildi. Sonımen qatar, AQŞ-tağı jeke temir jol kompaniyasınıñ aktivteri bwğattaladı. Euroodaq jeti adamdı, al Kanada altı adamdı «qara tizimge» engizgen.

Resey 2014 jılı naurızda Qırımdı anneksiyalağan. Mäskeudiñ bwl äreketine Ukraina, AQŞ jäne Europalıq odaq qwramındağı memleketter qarsılıq bildirip, Reseydi «agressiyalıq sayasat wstanatın memleket» dep atağan. Äli künge deyin AQŞ, EO, Türkiya, Ukraina Qırımdı Resey jeri retinde moyındamaydı.

2018 jılı 25 qaraşada Resey arnayı jasağı Azov teñizinde Ukraina äskeri teñiz küşterine tiesili üş birdey kemege şabuıl jasap, basıp alğan bolatın. Osıdan keyin Ukraina qauipsizdik keñesiniñ kezekten tıs otırısı ötip, el prezidenti Petr Poroşenko soğıs jağdayın engizgen. Eki el arasındağı teketires NATO men EO elderin jäne AQŞ-tı bey-jay qaldırğan joq. NATO Reseyden Ukrainanıñ aumaqtıq twtastığına qwrmetpen qaraudı talap etse, Uaşington Mäskeudi «agressiyalıq memleket» dep ayıptadı.

Germaniya SİM 2014 jılğı Qırım anneksiyası men Kerştegi jağdaydı eskere otırıp, Reseyge qarsı sankciyanı küşeytetinin aytqan. Sonday-aq Europalıq odaq qwramındağı memleketter jäne NATO tolığımen Ukrainağa qoldau bildirdi.

"The Qazaq Times"