31 qañtarda barlıq şeteldik kölik ieleri narazılıq şarasın ötkizbek

«Oral aptalığı» basılımı men äleumettik jelilerde Keden odağı elderinen äkelingen avtokölik ieleri ay soñında jappay şeru ötkizetini turalı habarlandıru jariyalandı.

31 qañtar astana uaqıtımen  sağat 15.00-ge (Oral uaqıtı boyınşa 16.00) josparlanğan jiınğa Aqtau, Jañaözen, Aqtöbe, Almatı, Atırau, Qarağandı, Qostanay, Pavlodar, Şımkent, Oral, Öskemen qalaları men astana jürgizuşileri şaqırılğan. Şeteldik kölik dauı äli künge deyin naqtı şeşim taba qoymadı. «Akciya wyımdastıruşıları şeteldik nömiri bar avtokölik ielerin är oblıstıñ äkimdik ğimaratınıñ aldında jinaluğa ündedi».

Bwğan deyin jıl basında Qazaqstan biligi Armeniya, Qırğızstan jäne Reseyden äkelingen avtokölikterdi paydalanudı şekteu turalı şeşim şığarğan edi. Däl osı bastama avtokölik jürgizuşileriniñ narazılığına sebep boldı. Olar mwnı bağası qalta kötermeytin su jaña kölik satatın avtosalondarı bar qazaqstandıq oligarhtardıñ müddesin ğana közdeydi dep sanaydı.

"Äleumettik jelide tarağan" habarlama. Foto: "Oral aptalığı" basılımı

Jıl bastalğalı beri eldiñ 10 şaqtı qalasında narazılıq ötkizgen şeteldik kölik ieleri «tirkeudiñ qaltağa salmaq tüsiretinin», tipti «tirkeu soması kölik bağasınan asıp tüsetinin» aytıp şağınadı. Azamattar tirkeu räsimin jeñildetip, özderin kinäli dep tanudı toqtatudı swradı.

İİM mälimeti boyınşa, kölikti esepke qoyu 500 mıñnan 4 mln teñgege deyin şığındalu qajet. Keşe Mañğıstauda ötken avtokölik jürgizuşileriniñ kezekti bir şeruinde jinalğandar:

– Biz salıq töleuge dayınbız, biraq tirkeu qımbat. El prezidenti Toqaevtıñ avtokölikterdi 2021 jıldıñ naurızına deyin uaqıtşa tirkeu turalı mälimdemesi bizdiñ problemanı şeşpeydi. Nege memleket basşısı halıqqa qarsı keledi? Bizde köp aqşa joq! Öytkeni Serik Jwmanğarin (Euraziyalıq ekonomikalıq odaqtıñ bäsekelestik boyınşa blog alqasınıñ müşesi – red.) Armeniya Euraziyalıq odaqqa müşe dedi. Sondıqtan biz sol jerden kölik äkele bastadıq, – dedi.

27 qañtar Oral qalasınıñ jürgizuşileri jinalıp, bilik ökilderine 6 märte miting üşin bergen qtinimdi keri qaytarğanın ayttı. Sonday-aq olar 30, 31 qañtar jäne 1, 2 aqpan künderi beybit jiın ötkizuge tağı da 4 ötiniş jasadı.

Qañtardıñ 24-i ükimettiñ keñeytilgen otırısında prezident Toqaev halıq arasında uşığa bastağan şeteldik nömiri bar kölikterdiñ mäselesin şeşu üşin olardı 2021 jıldıñ 1 naurızına deyin uaqıtşa tirkeudi tapsırdı. Dese de 2021 jıldıñ 1 naurızına deyin kedendik baj salığı men utilizaciya alımın tölep, kölikti twraqtı tirkeuge qoyudı tapsırdı. Eşqanday jeñildik berilgen joq.

El işinde äleumettik (eñbek dauı, AÄK aluşılar men mügedek bala tärbielep otırğan analar), sayasi (azamattıq qoğam men oppoziciya), narazılıq üdep twrğan twsta bilik mıñdağan kölik iesine şığın jağınan qoldau tanıtpadı.

"The Qazaq Times"