Körneki kollaj. Foto: QT

Wlttıq bank bügin moneta ülgisindegi 200 teñgeni aynalımğa şığardı.

Vedomstvo «Monetanıñ dizaynı Qazaqstan Respublikası prezidentiniñ 2018 jılğı 12 jeltoqsandağı №804 jarlığımen bekitilgen Wlttıq valyuta – Qazaqstan teñgesi banknottarı men monetaları dizaynınıñ twjırımdamasına säykes orındaldı. Bikolorlı aynalıstağı monetalar dizaynınıñ stilistikasında şığıs jäne batıs mädenietteriniñ körkemdik elementteriniñ üylesimi körinis beredi», – dep habarladı.

Tiınnıñ sırt jağındağı ortalıq böliginde memlekettik eltañba, aynaldıra emitent eldi bildiretin «QAZAQSTAN RESPÝBLIKASY» degen jazba beynelengen. Monetanıñ tömengi jağında soğılğan jılın bildiretin «2020» degen jazu bar. Monetalardıñ bet jağında (aversinde) ortalıq böliginde nominalın bildiretin «200» dep jazılğan.

Monetanıñ tömengi böliginde wlttıq valyutanıñ mätindik atauın bildiretin «TEŃGE» degen jazu ornalasqan. Monetanıñ sol jaq böliginde QAZAQSTAN ULTTYQ BANKI emitent bankti bildiretin «QUB» abbreviaturası bar.

Jaña 200 teñgelik moneta. 28 qañtar 2019 jıl. Foto: Wlttıq bank

Tehnikalıq sipattamaları:

Metall qwramı: neyzil'ber/nibrass

Massası: 7,5 gramm

Diametri: sırtqı saqinası – 26 mm, işki diski – 18,3 mm

Qalıñdığı – 1,90 mm

Qırı: 16 oyıqtar.

Ayta keterlik jayt, nominalı 200 (eki jüz) teñgelik qağaz aqşa (banknottar) da zañdı tölem qwralı retinde jaramdı bolıp sanaladı.Teñge sarayı men qarjı ministrliginiñ atalğan bastaması bıltır qazan ayında köterilgen edi. Qoğam mwnı ärtürli qabıldadı. Täuelsiz sarapşılardıñ köbi qağaz aqşanıñ monetağa auısuın inflyaciyanıñ saldarımen baylanıstırsa, tağı bir böligi wlttıq valyutanıñ qwnsızdauınıñ körinisi retinde bağaladı.

Al Wlttıq bank törağasınıñ sol kezdegi orınbasarı Madina Äbilqasımova 200 teñgelik moneta şığaru turalı şeşimniñ sebebin tüsindirgen bolatın.

«Birinşi kezekte bwl kupyuranıñ jii tozuımen baylanıstı, yağni monetamen almastıruğa bağıttalğan. Bwl – eñ köp wstalatın aqşa. 200 teñgelik aqşa qolma-qol aynalımda köp jüretindikten tez tozadı. Qayta-qayta qoldanıstan şığıp qalatın bolğandıqtan moneta engizu turalı şeşim qabıldandı», – dedi Madina Äbilqasımova.

"The Qazaq Times"