Astana ahualı. 27 qañtar 2020 jıl. Foto: Vlast' / Şıñğıs Baqışev

Qazaqstan astanasında kün rayı bwzıluınıñ kesirinen tötenşe jağday jariyalandı.  İşki ister ministriniñ orınbasarı YUriy Il'in:

«Elorda boyınşa tötenşe jağday jariyalandı. Ol ädilet basqarmasında tirkeuden ötti. Qazirgi uaqıtta qalğan 6 audan boyınşa tötenşe jağday boyınşa komiissiya jinalısı öteyin dep jatır. Tötenşe jağday jariyalaudıñ sebebi – adamdardı medicinalıq qızmettermen, azıq-tülikpen qamtamasız etudiñ, jwmısqa, üyge jetudiñ qiındap ketui», –  dep habarladı.

27 qañtarda jeldiñ jıldamdığı sekundına 26 metrge jetken. Bügin altı aymaq boyınşa tötenşe jağdaylar jönindegi komissiyanıñ otırısı ötedi.

«6 aymaqtağı ştab 24 sağat boyı jwmıs istep twr. Respublika boyınşa 96 jol uçaskesi jabıq. Olardıñ 61-i astana men Aqmola, Şığıs Qazaqstan, Aqtöbe, Qarağandı, Batıs Qazaqstan, Pavlodar, Qızılorda, Soltüstik Qazaqstan oblıstarındağı respublikalıq därejedegi joldar. Sonımen birge oblıstıq därejedegi 34 jol jabıldı. Äsirese, keşe tünde jağday qiın boldı. Jeldiñ jıldamdığı 28 metr sekundqa jetip, avtokölikter twrıp qaldı», – dedi vedomstvo vice-ministri.

Sonday-aq astana äuejayınıñ baspasöz hatşısı Jeñis Ahmetjanov «qauipsizdik maqsatında barlıq reyster belgisiz uaqıtqa şegerilgenin» habarladı. Jäne qaladağı mektepter men kolledjderde oqu procesi uaqıtşa toqtadı.

Al «Qazgidromettiñ» qısqa merzimdi boljamdar basqarmasınıñ basşısı Alua Sahanova:

«29-30 qañtarda soltüstik-batıs anticiklonı keledi dep boljadıq. Osınıñ saldarınan kün suıtıp, qardıñ tüsui toqtaydı. Aua temperaturası qañtar ayındağı qalıptı deñgeyde boladı, tünde soltüstikte, şığısta jäne ortalıqta minus 20-30 gradusqa deyin tömendeydi», – dedi.

"The Qazaq Times"