İİ Elizaveta patşayımnan keyin Europarlamenttiñ konstituciyalıq ister jönindegi komiteti de Wlıbritaniyanıñ Euroodaqtan şığu turalı kelisimşarttı bekitti. 

Telegraph saytınıñ habarlauınşa, qwrılımnıñ 23 müşesi qwjattı qoldap dauıs berse, üşeui qarsı şaqtı. Kelisimge Eurokeñes pen Eurokomissiya basşısı qol qoyuı tiis. Europarlament deputattarı bolsa onı 29 qañtarda dauısqa saladı. Osıdan keyin qañtardıñ 31-inen bastap biılğı jıldıñ soñına deyin ötpeli kezeñ jüredi. Osı aralıqta Bryussel' men London ekijaqtı qatınastıñ keleşegin talqılap, ayqındauı tiis.

13 jeltoqsanda elde merziminen bwrın parlamenttik saylau ötip, nätijesinde basqaruşı partiya jeñiske jetken bolatın. Keyinnen prem'er-ministr Boris Djonson 31 qañtarğa belgilengen jospar Leyborister partiyasınıñ qarsılığına qaramastan mindetti türde jüzege asadı dep uäde berdi.

Osı aptada Eurokomissiyanıñ (EK) basşısı Ursula fon der Lyayen men Europa Keñesiniñ törağası Çarl'z Mişel' Bryussel'de qajetti qwjattarğa qol qoyadı. Al 31 qañtarda birneşe märte sätsiz finişpen wzaqqa sozılğan Brexit kelisimine nükte qoyılıp, Birikken Korol'dik Europalıq odaq qwramınan şığadı.

"The Qazaq Times"