Jazuşı Şıñğıs Aytmatov. Foto: centralasian.org

Britandıq The Independent basılımı älemniñ äbedi kartasın şığardı. Onda Qırğızstannan älem ädebietiniñ klassigi Şıñğıs Aytmatovtıñ "Jämila" povesi wsınılğan. 

Sentralasian.org mälimetine süyensek, kartada Qazaqstandı Aytmatovtıñ tağı bir şığarması - "Ğasırdan da wzaq kün" ("The Day Lasts More Than a Hundred Years") romanı tanıstıradı.

Basılım osı şığarmalar arqılı basqa da mädenietterdi jaqınıraq biluge bolatının jazdı.

Özbekstandı - Tom Bisseldiñ "Teñizge şığar jol" şığarması, Täjikstandı - Andrey Volostıñ "Hurramabad" romanı, al Türkimenstandı - Ak Vel'sapardıñ "Aypi turalı añız" şığarması arqılı tanuğa boladı. Resey atınan Lev Tolstoydıñ "Beybitşilik jäne soğıs" romanı wsınılğan. Kartağa älemniñ 197 eli engen.

Qarap otırsañız, bir eldi tanıtatın şığarmalardı sol eldiñ töl jazuşısı jazu mindet emes eken. Kerisinşe, sol el turalı jazğan basqa wlt jazuşısınıñ tanımal şığarması, qalamgerdiñ älemdik deñgeyde atı bar twlğalığı qajet eken. Osı ädebi kartada qazaq jazuşısınıñ atı, şığarması nege joq? Älde Qazaqstandı tanıta alatın qazaq qalamgeri men şığarması joq pa? Mäsele, sonı älemge nasihattayın, tanıtatın ıqılas joq, niet joq. Äytpese, ädebi kartada twruğa layıq şığarma da, qalamger de qazaqta bar.

Bizdiñ ädebiet nege älemdik deñgeyde auızğa ilinbeydi degende, onıñ deñgeyiniñ tömendiginen emes, onı audarıp, biik deñgeyde tanıtatın memlekettik qoldau kerek ekenin tüsinesiñ. Memleket tarapınan demeu, tipti ülken qamqorlıq bolmasa, öz qazanında ğana qaynap jatqana qazaq ädebieti eşkimge tanılmağan küyi qala bermek. Al, onıñ ornın basqa el jazuşıları ielenip keteri anıq.

“The Qazaq Times”