«Sağıntaevtıñ kezi» jäne Ükimet otırısında analardıñ janayqayı aytılmadı

Bügin prezident Toqaevtıñ törağalığımen ötip jatqan ükimettiñ keñeytilgen otırısında äleumettik sayasat jöninde de söz boldı.

Vice-prem'er Berdibek Saparbaev bıltır 2,2 mln azamatqa 80 mlrd teñgege kömek berilgenin, al biıl mwqtaj otbasınan şıqqan 800 mıñ balağa memleket tarapınan qoldau körsetiletindigin ayttı. Al 1 qañtardan bastap 372 mıñ otbasına 17 milliard teñge arnayı memlekettik järdemaqı tölenipti.

Otbası tabısına qaramastan tölenetin jaña memlekettik järdemaqınıñ mardımsızdığın aytıp narazılıq bildirgen analar bwrınğı saylau qarsañında tağayındalğan AÄK-ni qaytarudı talap etip keledi.

Bwl turalı prem'er-ministrdiñ orınbasarı Berdibek Saparbaev:

– Ekinşi ataulı äleumettik kömek te eñ kem degende bizdiñ boljamımız boyınşa jüz mıñ otbasığa tölenedi. Bwl jerdegi erekşelik - eger jwmısqa qabiletti azamattar bolatın bolsa, olar wsınılğan jwmıstı istemeytin bolsa, onda ataulı äleumettik kömekten qağıladı. Qosımşa az qamtılğan otbasılardıñ balalarına kepildendirilgen äleumettik paket osı aydan bastap berile bastaydı. Bwl kömekpen eñ kem degende 200 mıñğa juıq otbası nemese 600 mıñ bala qamtıladı, – dedi.

Qazaqstannıñ eks-prezidenti ornınan keter twsta ärbir balağa tölenetin 21 mıñ teñgelik järdemaqı tağayındap, keyinnen saylau ötken soñ, küz kezinde «AÄK-ni ığıstıruı mümkin» är balağa 10 500 teñgeden tölenetin jaña järdemaqı tanıstırıldı. Al äleumettik äljuaz toptağı otbasılar men mügedek bala tärbielep, baspanasız jürgen analar Şımkent qalası men astanada birneşe ret narazılıq jiındarına şıqtı. Analardıñ narazılığı ükimet otırısında aytılmadı.

Äleumettik jelide «tili qazaqşağa jüyrik bwrınğı ükimet basşısı Baqıtjan Sağıntaevtıñ kezinde bükil jiın, äsirese, aytulı keñeytilgen otırıstar tikeley efirde beriluşi edi» dep prezidenttiñ qatısuımen ötip jatqan jıldıq jiınnıñ jabıq ötuin sınap jatır.

"The Qazaq Times"