«ساعىنتاەۆتىڭ كەزى» جانە ۇكىمەت وتىرىسىندا انالاردىڭ جانايقايى ايتىلمادى

بۇگىن پرەزيدەنت توقاەۆتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا الەۋمەتتىك ساياسات جونىندە دە ءسوز بولدى.

ۆيتسە-پرەمەر بەردىبەك ساپارباەۆ بىلتىر 2,2 ملن ازاماتقا 80 ملرد تەڭگەگە كومەك بەرىلگەنىن، ال بيىل مۇقتاج وتباسىنان شىققان 800 مىڭ بالاعا مەملەكەت تاراپىنان قولداۋ كورسەتىلەتىندىگىن ايتتى. ال 1 قاڭتاردان باستاپ 372 مىڭ وتباسىنا 17 ميلليارد تەڭگە ارنايى مەملەكەتتىك جاردەماقى تولەنىپتى.

وتباسى تابىسىنا قاراماستان تولەنەتىن جاڭا مەملەكەتتىك جاردەماقىنىڭ ماردىمسىزدىعىن ايتىپ نارازىلىق بىلدىرگەن انالار بۇرىنعى سايلاۋ قارساڭىندا تاعايىندالعان ااك-ءنى قايتارۋدى تالاپ ەتىپ كەلەدى.

بۇل تۋرالى پرەمەر-ءمينيستردىڭ ورىنباسارى بەردىبەك ساپارباەۆ:

– ەكىنشى اتاۋلى الەۋمەتتىك كومەك تە ەڭ كەم دەگەندە ءبىزدىڭ بولجامىمىز بويىنشا ءجۇز مىڭ وتباسىعا تولەنەدى. بۇل جەردەگى ەرەكشەلىك - ەگەر جۇمىسقا قابىلەتتى ازاماتتار بولاتىن بولسا، ولار ۇسىنىلعان جۇمىستى ىستەمەيتىن بولسا، وندا اتاۋلى الەۋمەتتىك كومەكتەن قاعىلادى. قوسىمشا از قامتىلعان وتباسىلاردىڭ بالالارىنا كەپىلدەندىرىلگەن الەۋمەتتىك پاكەت وسى ايدان باستاپ بەرىلە باستايدى. بۇل كومەكپەن ەڭ كەم دەگەندە 200 مىڭعا جۋىق وتباسى نەمەسە 600 مىڭ بالا قامتىلادى، – دەدى.

قازاقستاننىڭ ەكس-پرەزيدەنتى ورنىنان كەتەر تۇستا ءاربىر بالاعا تولەنەتىن 21 مىڭ تەڭگەلىك جاردەماقى تاعايىنداپ، كەيىننەن سايلاۋ وتكەن سوڭ، كۇز كەزىندە «ااك-ءنى ىعىستىرۋى مۇمكىن» ءار بالاعا 10 500 تەڭگەدەن تولەنەتىن جاڭا جاردەماقى تانىستىرىلدى. ال الەۋمەتتىك ءالجۋاز توپتاعى وتباسىلار مەن مۇگەدەك بالا تاربيەلەپ، باسپاناسىز جۇرگەن انالار شىمكەنت قالاسى مەن استانادا بىرنەشە رەت نارازىلىق جيىندارىنا شىقتى. انالاردىڭ نارازىلىعى ۇكىمەت وتىرىسىندا ايتىلمادى.

الەۋمەتتىك جەلىدە «ءتىلى قازاقشاعا جۇيرىك بۇرىنعى ۇكىمەت باسشىسى باقىتجان ساعىنتاەۆتىڭ كەزىندە بۇكىل جيىن، اسىرەسە، ايتۋلى كەڭەيتىلگەن وتىرىستار تىكەلەي ەفيردە بەرىلۋشى ەدى» دەپ پرەزيدەنتتىڭ قاتىسۋىمەن ءوتىپ جاتقان جىلدىق جيىننىڭ جابىق ءوتۋىن سىناپ جاتىر.

"The Qazaq Times"