Franciya prezidenti Emmanuel' Makron zeynetaqı mäselesi saylauğa deyin şeşiledi degen. Foto: VVS |

Franciyada şeruşiler prezident Emmanuel' Makronğa şabuıl jasamaq bolğan, – dep habarlaydı VVS.

Makron Parijdegi «Buf-dyu-Nor» teatrına äyelimen birge barıp, qoyılımdı körip otırğanda şeruşiler ğimaratqa lap qoyğan. Biraq memleket basşısınıñ küzetşileri men tärtip saqşıları şwğıl qimıldap, prezidentti qwtqarıp qaldı.

Franciyada zeynetaqı reformasına qarsı narazılıq şeruleri bıltırdan beri jalğasıp keledi. Jeltoqsanda mwğalimder, qoğamdıq kölik jürgizuşileri, policeyler, sot qızmetkerleri, medicina qızmetkerleri, aviadispetçerler jäne basqa da köptegen mamandıq ökilderi jappay ereuilge şıqqan. Saldarınan köptegen mektepterde oqu toqtatılıp, kölik qatınası bwzıldı.

Negizinen Franciyada ondağan zeynetaqı bağdarlamaları bar. Bwl bağdarlamalar memleketke orasan şığın äkeletinin aytqan Makron, birıñğay zeynetaqı reformasın wsınıp otır. Prezidenttiñ josparı boyınşa är jwmıs istegen künge arnayı ball jüyesi engiziledi jäne zeynetaqınıñ mölşeri jinaqtalğan wpaylar negizinde esepteledi.

Soñğı on jılda Franciyadağı zeynet jası 60-tan 62-ge deyin östi. Degenmen, bwl damığan elder arasındağı eñ tömen körsetkişterdiñ biri sanaladı. Wlıbritaniyada zeynet jası – 66 jıl.

Wsınılıp otırğan makro-reforma zeynetaqı jasın odan äri arttıruı mümkin. Tolıq zeynetaqı alu üşin francuzdarğa 64 jasqa deyin jwmıs isteuge tura keledi.

1995 jılı Franciyada orın alğan eñ ri ereuil de zeynetaqı reformasına qarsı ötken bolatın. Ereuil saldarınan eldegi transport jüyesinde üş aptalıq kollaps orın alğan.

"The Qazaq Times"