Oraldıq belsendiler Nazgül Alenova men Erik Jwmabaev jekelegen piket ötkizdi. 16 qañtar 2019 jıl. Foto: Azattıq. Kollaj: QT

Keşe, 16 qañtar Oral qalasınıñ twrğındarı Nazgül Alenova men Erik Jwmabaev jeke-jeke piket ötkizdi. Ekeuiniñ talabı forma twrğısınan eki basqa bolğanımen, kötergen negizgi mäselesi «biliktiñ azamattıq qoğam ünine der kezinde qwlaq asuı». Aytpaqşı, prezident Toqaev üş principten twratın «Halıq ünine qwlaq asatın meleket» twjırımdamasın aytıp jürgenine birneşe ay boldı.

Öñir twrğını Nazgül Alenova qala ortalığındağı Mänşük Mämetova alañına barıp, qolına «Twtas biliktiñ auısqanın qalaymın» degen jazuı bar plakat wstap şıqtı. Azattıqtıñ aytuınşa, jüyeniñ jañaruın qalaytın azamat öz pikirin aşıq aytuğa haqı bar ekenin jetkizgen.

Nazgül Alenova «Men twtas biliktiñ auısqanın qalaymın, sebebi barlıq memlekettik organdar, mekemeler, sud'yalar, deputattar bilikti zañsız basıp alğan. Toqaev ta sol. Eşkim Toqaevtı saylağan joq. Qazir barlıq zañdar qarapayım halıqtıñ müddesine qarama-qayşı. Sondıqtan Toqaevtıñ otstavkağa ketkenin qalaymın. Ol otstavkağa ketsin dep talap etemin»,– degen.

Köp ötpey belsendiniñ janına bir er adam kelip, özin işki sayasat böliminiñ qızmetkerimin dep tanıstırğan. Şeneunik atalğan akciyanıñ «zañsız ekenin, onı biliktiñ rwqsatınsız ötkizip jatqanın» alğa tartıptı. Biraq belsendi Konstituciyanı jaqsı biletinin jäne zañ ayasında äreket etip jatqanın ayttı. Sonday-aq Alenovanıñ sözinşe, ol eşbir partiya nemese wyımğa müşe emes, jay ğana azmattıq qoğam ökili. Jartı sağatqa juıq uaqıtqa sozılğan akciyada belsendi wzaq jıldar boyı memlekettik qızmette bolğanın, soñğı jıldarı jwmıstan bosap, azamattardıñ qwqığınıñ bwzıluına beyjay qaray almaytının jetkizdi.

Däl osı küni azamattıq belsendi Erik Jwmabaev ta qolına «Mağan QDT («Qazaqstannıñ demokratiyalıq tañdauı») bağdarlaması wnaydı» degen söz jazılğan plakat wstap alañğa kelgen. Onıñ şığıp jürgen birneşe kün bolğan. Degenmen belsendiniñ aytuınşa, onıñ atalğan wyımğa eş qatısı joq, oğan müşe emes.

Soñğı jıldarı elde köpşilik miting pen piketter köbeygen. Toqaev prezident bolğalı beri azamattardıñ erkin pikir bildiruge qwqığı bar degenimen, şeru-piketke şıqqan belsendiler quğınğa wşırauı toqtar emes.

"The Qazaq Times"