Foto: http://today.kz

Qazaqstanda Wlttıq birıñğay testileudiñ alğaşqı kezeñi bastaldı. 16-20 qañtar aralığında 95 mıñnan astam ümitker WBT tapsıradı.

Negizinen test tapsıru formatı özgergen joq. Biraq biıldan bastap joğarı oqu ornına aqılı negizde tüsu üşin WBT jılına 4 ret ötkiziledi (qañtar, naurız, mausım jäne tamız). Oquğa tüsuşiler bilim grantı konkursına qatısu üşin mausımda ötetin WBT-nı tapsıruı qajet. WBT-ğa qatısu üşin qwjattar 2019 jılı 1-15 jeltoqsan aralığında birıñğay aqparattıq jüye arqılı qabıldandı. Nätijesinde, WBT-ğa qatısuğa 95 mıñnan astam adam ötiniş berdi. Onıñ işinde 75 520 oquşı testileudi qazaq tilinde, 22 744 bala – orıs tilinde jäne 176 bala ağılşın tilinde tapsıradı.

Test tapsıru kezinde öñirlerge QR Bilim jäne ğılım ministrliginiñ 447 ökili jiberiledi, apellyaciyalıq komissiyalar qwrıladı, medicinalıq kömek körsetu beketteri wyımdastırıladı jäne testileu barısındağı qauipsizdik qamtamasız etiledi. Bwdan bölek, qajet bolğan jağdayda jeke kömekşiler, sonday-aq erekşe bilim beru qajettiligi bar balalarğa arnalğan surdoaudarmaşılar wsınıladı. Jergilikti jerlerde WBT wyımdastıru jäne ötkizu boyınşa memlekettik komissiyalar qwrılğan. Memlekettik komissiya qwramına oblıstar nemese respublikalıq mañızı bar qalalar äkimdikteriniñ ökilderi, qwqıq qorğau organdarınıñ, qoğamdıq wyımdardıñ, bwqaralıq aqparat qwraldarınıñ ökilderi kirdi.

"The Qazaq Times"