Körneki suret. Foto: aşıq derekköz

Byudjetten 11,4 mln teñge jımqırğan äkimdik qızmetkeri sottaldı.

Keşe Oral qalasına qaraytın Jelaev auıldıq okrugi äkimi apparatınıñ qarjı-ekonomika böliminiñ basşısı Gülsara Habulovağa byudjet qarjısın jımqırdı degen ayıppen sot ükim şığardı.

BQO boyınşa ekonomikalıq tergeu departamentinen tüsken mälimetke qarağanda, G.Habulova 2013-2019 jıldarı buhgalterlik qwjatqa atalğan memlekettik mekemeniñ şaruaşılıq jäne qarjılıq qızmeti turalı körineu jalğan mälimetter engizip kelgen.

Atap aytqanda, «Kaznaçeystvo klient» aqparattıq jüyesinde öziniñ elektrondı qoltañbasın paydalana otırıp, kartoçkalıq şotına eñbek demalısı jäne emdik järdemaqı türindegi qarajattı negizsiz audarğan. Söytip ol memleketke 11 mln 473,149 mıñ teñge zalal keltirgen. «Qazirgi tañda şığın tolıq öteldi» delingen vedomstvo habarlamasında.

14 jıl boyı esepşi qızmetinde bolğan Habulova Oral qalalıq sotınıñ ükimimen  Qılmıstıq kodekstiñ 189-babı «Basqanıñ senip tapsırğan mülikin iemdenu nemese talan-tarajğa salu» boyınşa ayıptı dep tanılıp, eki jılğa sottaldı.

“The Qazaq Times”