"Jas Alaş" №1 san, 14 qañtar, 2020 jıl

Bügin, jaqında ğana bas redaktorı auısqan «Jas Alaş» gazetiniñ redakciyasına barıp jaña basşını Inga Imanbay qarındasımızdı qwttıqtap, aldağı jwmısına sättilik tilep qayttıq. Gazettiñ jaña sanın qolımızğa alıp, «Jas Alaştıñ» «jorğasınan jañılmağanın» bilgendey boldıq.
«Gazet – halıqtıñ közi, qwlağı häm tili» deydi wlı Ahañ. Ahmet Baytwrsınwlınıñ osı sözin tolıqtay däleldey alatın elimizdegi sanaulı basılımnıñ bir jäne biregeyi «Jas Alaş» jüz jılğa tarta tarihında biraz dünieni qauzaptı. Keşegi keñestik zamandağı qızıl ükimettiñ jürgizetin qwral bola twrıp qazaq jurnalistikasında sonı bir mektep qalıptastıra bildi. Arısı Ahmet Baytwrsınwlı, Beyimbet Maylin, Sımağwl Saduaqasov, Säken Seyfullin, İliyas Jänsügirov, Jüsipbek Aymautov, Mwhtar Äuezovtardan bastau alğan basılım, ötken ğasırdıñ ortasınan aua büginde elimizdegi «Şerhannıñ şekpeninen şıqqan» şıqqan ülken bir jurnalister qosının jasaqtadı.
Egemendik alğannan bastap qazaqtıñ qam-qayğısın qal qadirinşe jetkizip kele jatqan basılım jaña ğasırdıñ tabaldırığın attay sala azamattıq qoğam men täuelsiz jurnalistikanıñ qalıptasuına eñbek etken qazaq tildi basılımdardıñ köşin bastadı.
Atalmış gazettiñ basında bwrındarı müyizi qarağayday dep atalatın ataulı twlğalar basqarsa, belgili qağam qayratkeri, jürnalist Rısbek Särsenbaywlınan keyin gazet basşılığı jastardıñ qolına ötip äriptesimiz Ruslan Erbota keldi. Elimizdegi täuelsiz basılımdarğa degen qidalanıp twratın qiın kezeñde gazettiñ bar tirajın joğaltpay onıñ janına derbes internet basılımın, täuelsiz oy atay alatın jurnalister qosının qalıptastırdı. Ruslanğa bügingidey qiın kezeñde «Jas Alaştay» el şındığın aşıq ayta alatın basılımnıñ oşağın öşirmey hal qadirinşe mazdatıp ketkenine rizaşılığımızdı bildire otırıp, jaña kelip jatqan Inga Imanbayğa sättik tileymiz.
«Jas Alaştıñ» jaña sanın şolıp şıqqanımızda:
Äuelde Inga Imanbaydıñ «Dinara Qwlıbaevağa – 5 milliard dollar, köp balalı analarğa – 11 mıñ teñge» attı halıqtıñ joğın joqtap, bügingi äleumettik jağdaydı jetkize jazğan maqalasın oqıdıq. Odan arı Äsel Jañabaevanıñ «Siz kimsiz, J mırza?» attı saraptamalıq maqalasında ötken 30 jeltoqsandağı Bek Air-dıñ aviakatastrofına, basşılığına jäne bizge beymälim biraz twstarına arnap sarabdal saraptama jasaptı. Gazettiñ qay betin aşıp, qay bağanına köz salsañızda qara qazaqtıñ qamı. Gazet  aynımaptı. Jaña basşı da aldıñğılardıñ anıq ham aşıq jolın saqtaptı.  Bas qaladan bastap respublikanıñ bar aymağınan aqpart bergen gazetke ğwmır tilep, jaña basşınıñ alğaşqı sanına ırzalıqpen arı qarayğı isterine sättilik, aldağı uaqıtta da azamattıq qoğamnıñ, täuelsiz jurnalistikanıñ, täuelsiz basılmnıñ şıraqşısı bolıp qala beruine  tilektestik bildirip qayttıq.

Ğasırlıq gazettiñ tarihı tamırlanıp, qaymana qazaqqa eter qızmeti arta tüssin!

"The Qazaq Times"