Tramp Iran halqına joldau jasadı. Foto: VOA7

Iran äskerileri atıp qwlatqan Ukraina wşağınıñ mäselesinen keyin el azamattarı biliktiñ keybir wşqarı äreketterine narazılıq bildirip, şeruge şıqtı. Senbide bastalğan şeru jeksenbi küni de ükimetke qarsı ereuilmen jalğastı. AQŞ prezidenti Donal'd Tramp öziniñ "Tvitter" paraqşasında parsı tilinde mälimdeme jasap, Irandağı ereuilşilerge qoldau körsetti.

Prezident Tramp "Tvitterdegi" mälimdemesinde parsı tilinde: "Batıl da, qaysar Iran halqı: Men prezident bolğannan beri sizdermen birgemin. Meniñ ükimetim jalğastı sizdermen birge boladı. Biz sizderdiñ narazılıqtarıñızdı baqılap otırmız jäne sizderdiñ batıldıqtarıñız bizdi jigerlendirdi", – dep jazğan.

Bwğan qosa AQŞ prezident Iran ükimetine narazılıq şarasına qarsı küş qoldanbauğa eskertu jasadı. Älem elderiniñ Irandağı narazılıq şaralarına basa nazar audarıp otırğanın, ondağı bolıp jatqan oqiğalar turalı mälimet aluğa şekteu qoymaudı jäne adam qwqığına qwrmet etudi talap etti.

 “The Qazaq Times”