ترامپ يران حالقىنا جولداۋ جاسادى. فوتو: VOA7

يران اسكەريلەرى اتىپ قۇلاتقان ۋكراينا ۇشاعىنىڭ ماسەلەسىنەن كەيىن ەل ازاماتتارى بيلىكتىڭ كەيبىر ۇشقارى ارەكەتتەرىنە نارازىلىق ءبىلدىرىپ، شەرۋگە شىقتى. سەنبىدە باستالعان شەرۋ جەكسەنبى كۇنى دە ۇكىمەتكە قارسى ەرەۋىلمەن جالعاستى. اقش پرەزيدەنتى دونالد ترامپ ءوزىنىڭ "تۆيتتەر" پاراقشاسىندا پارسى تىلىندە مالىمدەمە جاساپ، يرانداعى ەرەۋىلشىلەرگە قولداۋ كورسەتتى.

پرەزيدەنت ترامپ "تۆيتتەردەگى" مالىمدەمەسىندە پارسى تىلىندە: "باتىل دا، قايسار يران حالقى: مەن پرەزيدەنت بولعاننان بەرى سىزدەرمەن بىرگەمىن. مەنىڭ ۇكىمەتىم جالعاستى سىزدەرمەن بىرگە بولادى. ءبىز سىزدەردىڭ نارازىلىقتارىڭىزدى باقىلاپ وتىرمىز جانە سىزدەردىڭ باتىلدىقتارىڭىز ءبىزدى جىگەرلەندىردى", – دەپ جازعان.

بۇعان قوسا اقش پرەزيدەنت يران ۇكىمەتىنە نارازىلىق شاراسىنا قارسى كۇش قولدانباۋعا ەسكەرتۋ جاسادى. الەم ەلدەرىنىڭ يرانداعى نارازىلىق شارالارىنا باسا نازار اۋدارىپ وتىرعانىن، ونداعى بولىپ جاتقان وقيعالار تۋرالى مالىمەت الۋعا شەكتەۋ قويماۋدى جانە ادام قۇقىعىنا قۇرمەت ەتۋدى تالاپ ەتتى.

 “The Qazaq Times”