Foto: https://img.buzzfeed.com

Wlıbritaniya parlamentiniñ Qauımdar palatası Brexit josparın üşinşi oqılımda maqwldadı. Lordtar palatasına jiberilgen qwjat qaralğan soñ, el biligi Euroodaqtan şığuğa dayındıqtı bastamaq, – deydi Politico basılımı.

Atalğan zañ jobası London men Bryussel' kelisimine negizdelgen: ekonomikalıq damu, sauda-sattıq, diplomatiyalıq qarım-qatınastar ayasında jaña kelissözder jürgizilmek.

13 jeltoqsanda elde merziminen bwrın parlamenttik saylau ötip, nätijesinde basqaruşı partiya jeñiske jetken bolatın. Keyinnen prem'er-ministr Boris Djonson 31 qañtarğa belgilengen jospar Leyborister partiyasınıñ qarsılığına qaramastan mindetti türde jüzege asaadı dep uäde berdi.

Wlıbritaniya EO-dan bıltır 29 naurızda, yağni qauımdastıqtan şığu turalı jazbaşa habarlama berilgennen keyin eki jıl ötken soñ ketui kerek edi. Alayda britan Parlamenti Qauımdar palatasınıñ deputattarı Bryussel' men bwrınğı prem'er-ministr Tereza Mey ükimeti arasında qol jetkizilgen Brexit şarttarı turalı kelisimniñ jobasın üş ret keri qaytarğan. Nätijesinde Europalıq odaq Brexit-ti aldımen säuir nemese mamırğa, sodan keyin 31 qazanğa bekituge kelisti. Bwl qadam da sätsiz ayaqtalıp, memlekettiñ odaqtan şığatın merzimi 31 qañtarğa şegerildi.

"The Qazaq Times"