ۇلىبريتانيا پارلامەنتىنىڭ قاۋىمدار پالاتاسى Brexit جوسپارىن ءۇشىنشى وقىلىمدا ماقۇلدادى. لوردتار پالاتاسىنا جىبەرىلگەن قۇجات قارالعان سوڭ، ەل بيلىگى ەۋرووداقتان شىعۋعا دايىندىقتى باستاماق، – دەيدى Politico باسىلىمى.
اتالعان زاڭ جوباسى لوندون مەن بريۋسسەل كەلىسىمىنە نەگىزدەلگەن: ەكونوميكالىق دامۋ، ساۋدا-ساتتىق، ديپلوماتيالىق قارىم-قاتىناستار اياسىندا جاڭا كەلىسسوزدەر جۇرگىزىلمەك.
13 جەلتوقساندا ەلدە مەرزىمىنەن بۇرىن پارلامەنتتىك سايلاۋ ءوتىپ، ناتيجەسىندە باسقارۋشى پارتيا جەڭىسكە جەتكەن بولاتىن. كەيىننەن پرەمەر-مينيستر بوريس دجونسون 31 قاڭتارعا بەلگىلەنگەن جوسپار لەيبوريستەر پارتياسىنىڭ قارسىلىعىنا قاراماستان مىندەتتى تۇردە جۇزەگە اساادى دەپ ۋادە بەردى.
ۇلىبريتانيا ەو-دان بىلتىر 29 ناۋرىزدا، ياعني قاۋىمداستىقتان شىعۋ تۋرالى جازباشا حابارلاما بەرىلگەننەن كەيىن ەكى جىل وتكەن سوڭ كەتۋى كەرەك ەدى. الايدا بريتان پارلامەنتى قاۋىمدار پالاتاسىنىڭ دەپۋتاتتارى بريۋسسەل مەن بۇرىنعى پرەمەر-مينيستر تەرەزا مەي ۇكىمەتى اراسىندا قول جەتكىزىلگەن Brexit شارتتارى تۋرالى كەلىسىمنىڭ جوباسىن ءۇش رەت كەرى قايتارعان. ناتيجەسىندە ەۋروپالىق وداق Brexit-ءتى الدىمەن ءساۋىر نەمەسە مامىرعا، سودان كەيىن 31 قازانعا بەكىتۋگە كەلىستى. بۇل قادام دا ءساتسىز اياقتالىپ، مەملەكەتتىڭ وداقتان شىعاتىن مەرزىمى 31 قاڭتارعا شەگەرىلدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى