Körneki suret. Foto: Informburo.kz

Almatı qalasınıñ policiya departamenti baspasöz qızmetiniñ habarlauınşa, biıl qañtardan bastap köşe boyında «Sergek» beyne baqılau jüyesi jetildirilip, qosımşa jüzdegen kamera ornatıladı. Naqtıraq aytqanda, 1 qañtar jaña 400 kamera iske qosıldı.

Kameralar rwqsattı jıldamdıqtı arttıru, qızılğa ötu, jol belgileri men jolaqtarınıñ talaptarın bwzu, rwqsat etilmegen jerde toqtau men twru jäne avtobus jolağımen jüru siyaqtı ereje bwzuşılıqtardı tirkep, kölik iesine ayıppwl jazıp bere aladı.

Jol erejesin bwzu derekteri 2020 jıldıñ 1 qañtarınan bastap tirkele bastaydı. 100 bwrılısqa ärqaysısı 4 kameradan twratın baqılau kompleksi qoyılğan. Bir astananıñ özinde 2018 jılı alğaşqı on ayda memlekettik byudjetke jalpı soması 1 milliard 270 million teñge, al 2019 jıldıñ on ayında 5 milliard teñge köleminde qarjı tüsken.

Qwzırlı organ ökilderi «Sergektiñ» arqasında jol apatı sirep, zardap şeguşilerdiñ aytarlıqtay azayğanın aytadı. Al köpşilik mwnı «zañdı tonauşılıq» dep sanaydı. http://sergek.kz/ saytında aqparat tek orıs tilinde berilgen. Almatı qalasında ornatılğan «Sergek» kameraları geolokaciyasın mına kartadan köre alasız:

Almatıdağı "Sergek" kamerasınıñ geolokaciya kartası. 6 qañtar 2020 jıl. Foto: Yandex map saytınan skrinşot-qiındı

Atalğan baqılau jüyesi 2017 jılı Astana qalasınıñ investiciyalar jäne damu basqarması men «Astana Innovations» AQ jäne «Körkem Telekom» JŞS-niñ arasında memlekettik-jekemenşik äriptestik joba retinde jüzege asırılğan. Aşıq derekközdegi Esep.kz (uchet.kz) kontragentterdi tekseru servisinde jobağa jauaptı kompaniya, Äset Ahmetov basşılıq etetin «Körkem-Telekom» JŞS-i 2018 jılı 72,7 million teñge salıq tölegen. Al Arıstan Qazjanov ieligindegi «Astana Innovations» AQ joba bastalğan jılı, yağni 2017 jılı jalpı jiını 232 million, 2018 jılı 138,9 million teñge salıq tölegen.

"The Qazaq Times"