Bağdadtağı jağdaydan keyin Iranda jüz mıñnan astam adam narazılıqqa şıqtı. Foto: https://theins.ru

AQŞ pen Iran baylanısı uşığa tüsti. Sol sebepti Germaniya, Wlıbritaniya sındı birqatar Europa elderi Tayau Şığıstağı jağdaydı retteu üşin Iranmen kelissöz jürgizuge nietti. Germaniya Sırtqı ister ministrliginiñ basşısı Hayko Maas osılay dep mälimdedi.

Osı maqsatta Maas BWW men Euroodaq şeñberinde barlıq şaralar qolğa alınatının ayttı. Sonımen qatar, Germaniya Tayau Şığısta qarulı qaqtığıstı boldırmauğa küş salatının jetkizdi.

Britaniya Sırtqı ister ministri Dominik Raabtıñ aytuınşa, «AQŞ Kasem Suleymanidi öz azamattarın qorğau üşin öltirgen. Sebebi, ol aymaqtı twraqsızdandırıp, batıs elderiniñ ökildikterine şabuıldar wyımdastırğan. Biraq Raab äskeri qaqtığıs elge eşqanday payda äkelmeytinin, odan tek lañkestik toptar wtadı». Raab sözinde: «Biz qazir jağdaydı twraqtandıruğa küş salıp jatırmız. Mäseleni europalıq jäne amerikalıq äriptesterimizben talqıladıq. Keşe Irak prezidentimen, al bügin tañerteñ osı eldiñ prem'er-ministrimen telefon arqılı söylesip, öz wstanımımızdı jetkizdim. Juıq arada Iran Sırtqı ister ministrimen de qaqtığıstı boldırmaudıñ joldarın talqılamaq oydamın», – dep mälimdedi.

Ötken aptada Irak jerine ayaq basqan AQŞ äskerileri Bağdadtağı halıqaralıq äuejayğa zımıran atqan. Jarılıs saldarınan Irannıñ arnayı jasaq generalı Kasem Suleymani qaza tapqan. Keyinnen generaldıñ ölimine qatıstı jauapkerşilikii Pentagon öz moynına aldı. Qazirgi uaqıtta eki el arasındağı jağday qayşılıqqa tolı. Aq üy basşısı Tramp AQŞ küşteri Irannıñ 52 nısanın birden talqandaytının jetkizdi. Al Tehran Amerikanıñ Tayau şığıstağı 35 äskeri bazasın nısanağa alıp, qarımta jauap qaytaruğa dayın ekenin aytıp otır.

"The Qazaq Times"