يتاليانىڭ ءبىلىم ءمينيسترى لورەنتسو فيورامونتي ەلدەگى ءبىلىم سالاسىنىڭ «قۇلدىراۋىنا» بايلانىستى ءوز ەركىمەن وتستاۆكاعا كەتتى. بۇل تۋرالى Rai News 24 جاڭالىقتار ارناسى حابارلادى.
تەلەارنا مالىمەتتەرى بويىنشا، ءبىلىم بەرۋ سالاسى مەكتەپتەر مەن ۋنيۆەرسيتەتتەردى قارجىلاندىرۋدىڭ جەتىسپەۋشىلىگى سالدارىنان قيىندىقتارعا ۇشىراعان.
بۇعان دەيىن مينيستر فيورامونتي كەلەسى جىلعا ارنالعان بيۋدجەتتە اتالعان ماسەلەنى شەشۋ ءۇشىن €3 ملرد كولەمىندە قارجى بولىنبەسە، قىزمەتتەن ءوز ەركىمەن كەتەتىنىن ەسكەرتكەن. وسى اپتادا جاڭا بيۋدجەت قارالعانمەن، اتالعان سوما ءبىلىم مەكەمەلەرىن جابدىقتاپ، باعدارلامالاردى جۇزەگە اسىرۋعا جەتكىلىكسىز.
ايتا كەتەيىك، سوڭعى جىلدارى يتاليادا بيۋدجەت جوباسىنا قاتىستى ماسەلەلەر تۋىنداپ كەلەدى. بىلتىر ريم الەۋمەتتىك باعدارلامالارعا بولىنەتىن قارجى كولەمىن 0,9%-عا ۇلعايتپاقشى بولعانمەن، بريۋسسەل جوبانى كەرى قايتاردى. ەۋروكوميسسيا يتاليادان العاش رەت بيۋدجەت جوباسىن تولىقتىرۋدى تالاپ ەتكەن. سول سەبەپتى يتاليا كواليتسياسى داعدارىسقا ۇشىرادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟