Bek Air wşağı wşu kezinde eki qabattı ğimaratqa soqtığısıp, apatqa wşıradı. Zardap şekkender men qaza tapqandar bar. 

Almatıdan elordağa qaray wşqan Bek Air äue kompaniyasınıñ reysi radardan joğalıp ketti. Wşaqta 95 jolauşı bolğan.

Almatı äuejayınıñ baspasöz qızmeti  "Bügin Bek Air äue kompaniyasınıñ Almatı - Astana bağıtındağı 2100-reysi sağat 07:05-te wşıp, radardan joğalıp ketti. Bortta 95 jolauşı jäne bes ekipaj müşesi bolğan", - dep habarladı.


Investiciyalar jäne damu ministrligi äue apatınıñ män-jayı turalı "2019 jılı 27 jeltoqsanda sağat 07:22-de Bek Air äue kompaniyasınıñ № Z2100 Almatı - astana bağıtındağı reysi wşu kezinde biiktikti joğaltıp, beton qorşauğa soğılğan. Nätijesinde eki qabattı ğimaratpen soqtığısqan. Birden qwtqaru jwmıstarı bastaldı, ört şıqqan joq. Äue kemesiniñ jolauşıları men ekipajı evakuaciyalanıp jatır. Qaza tapqandardıñ sanı - 7. Prem'er-Ministrdiñ tapsırmasımen Ükimet komissiyası qwrıldı, onı vice-prem'er basqaradı. Komissiya qwramına industriya jäne infraqwrılımdı damıtu ministri jäne basqa memlekettik organdardıñ ökilderi kiredi. Komissiya oqiğa ornına baradı. Oqiğanıñ naqtı män-jayı men sebepteri anıqtaladı. Apat jağdayları anıqtalğanğa deyin osı tiptegi äue reysteri uaqıtşa toqtatıladı. Aldın ala mälimetter boyınşa, bortta 95 jolauşı, 5 ekipaj müşesi bolğan", - dedi.

"The Qazaq Times"