Bek Air ۇشاعى ۇشۋ كەزىندە ەكى قاباتتى عيماراتقا سوقتىعىسىپ، اپاتقا ۇشىرادى. زارداپ شەككەندەر مەن قازا تاپقاندار بار. 

الماتىدان ەلورداعا قاراي ۇشقان Bek Air اۋە كومپانياسىنىڭ رەيسى راداردان جوعالىپ كەتتى. ۇشاقتا 95 جولاۋشى بولعان.

الماتى اۋەجايىنىڭ ءباسپاسوز قىزمەتى  "بۇگىن Bek Air اۋە كومپانياسىنىڭ الماتى - استانا باعىتىنداعى 2100-رەيسى ساعات 07:05-تە ۇشىپ، راداردان جوعالىپ كەتتى. بورتتا 95 جولاۋشى جانە بەس ەكيپاج مۇشەسى بولعان", - دەپ حابارلادى.


ينۆەستيتسيالار جانە دامۋ مينيسترلىگى اۋە اپاتىنىڭ ءمان-جايى تۋرالى "2019 جىلى 27 جەلتوقساندا ساعات 07:22-دە Bek Air اۋە كومپانياسىنىڭ № Z2100 الماتى - استانا باعىتىنداعى رەيسى ۇشۋ كەزىندە بيىكتىكتى جوعالتىپ، بەتون قورشاۋعا سوعىلعان. ناتيجەسىندە ەكى قاباتتى عيماراتپەن سوقتىعىسقان. بىردەن قۇتقارۋ جۇمىستارى باستالدى، ءورت شىققان جوق. اۋە كەمەسىنىڭ جولاۋشىلارى مەن ەكيپاجى ەۆاكۋاتسيالانىپ جاتىر. قازا تاپقانداردىڭ سانى - 7. پرەمەر-ءمينيستردىڭ تاپسىرماسىمەن ۇكىمەت كوميسسياسى قۇرىلدى، ونى ۆيتسە-پرەمەر باسقارادى. كوميسسيا قۇرامىنا يندۋستريا جانە ينفراقۇرىلىمدى دامىتۋ ءمينيسترى جانە باسقا مەملەكەتتىك ورگانداردىڭ وكىلدەرى كىرەدى. كوميسسيا وقيعا ورنىنا بارادى. وقيعانىڭ ناقتى ءمان-جايى مەن سەبەپتەرى انىقتالادى. اپات جاعدايلارى انىقتالعانعا دەيىن وسى تيپتەگى اۋە رەيستەرى ۋاقىتشا توقتاتىلادى. الدىن الا مالىمەتتەر بويىنشا، بورتتا 95 جولاۋشى، 5 ەكيپاج مۇشەسى بولعان", - دەدى.

"The Qazaq Times"