Surette: Belarus' prezidenti Aleksandr Lukaşenko, Resey prezidenti Vladimir Putin, Qırğızstan basşısı Sooronbay Jeenbekov, Qazaqstannıñ bwrınğı prezidenti N.Nazarbaev jäne qazirgi memleket basşısı Q.asım-Jomart Toqaev. Foto: http://kazaknews.kz

Qazaqstannıñ bwrınğı prezidenti Nwrswltan Nazarbaevtıñ «Putin däuirine» degen közqarası men postkeñestik memleket basşılarınıñ qarım-qatınası jöninde swhbatı reseylik RIA agenttiginde jariyalandı.

Nazarbaev öziniñ «senimdi seriktesi» jöninde: «Boris El'cin öz mwragerin wzaq tañdadı, nätijesinde Vladimir Putindi sayladı. HHİ ğasırdıñ basında Kreml'ge bwrınğı basşılardıñ birine de wqsamaytın jaña sayasatker keldi. Birinşiden, Vladimir Vladimiroviç joğarı deñgeyli erudit, energiyası mol jäne eñ kürdeli mäselelerdi şeşuge dayın ekendigin körsetip, meni tañqaldırdı. Onıñ basşılığımen Resey qaytadan wlı derjava boldı. Jıl sayın Reseydiñ quatı men halıqaralıq ıqpalı artıp keledi.

Ekinşiden, bizdiñ aramızda senimdi qarım-qatınas qalıptastı. Bizdiñ ärbir kezdesuimiz bekitilgen reglament şeñberinen şığıp, hattamamen berilgen uaqıttan ünemi asıp ketedi. Biz mäselelerdi jii birge talqılap, pikir almasamız, öz wstanımımızdıñ dwrıstığın däleldeuge tırısamız. Osı rette «Putin däuiri» ayaqtaladı dep ayta almaymın», – dedi.

Tilşiniñ «Osı uaqıt işinde Putinmen arada kelispeuşilikter boldı ma? Putinniñ el müddesi üşin atqarıp otırğan isteri sizge tolıqtay wnay ma?» degen saualına Nazarbaev: «Putin – pragmatikalıq sayasatker. Büginde birde-bir iri halıqaralıq mäsele Resey Federaciyasınıñ pikirin eskermey şeşilmeydi. Demek, bwl Vladimir Putinniñ eñbegin moyındau emes pe?

Qazaqstan men Resey wstanımdarınıñ jaqındığına qaramastan, kün tärtibinde twrğan halıqaralıq mäselelerdi şeşude öz közqarasımızğa jüginemiz. Qazaqstan mwnı jaqsı tüsinedi, sondıqtan da biz barlıq körşilerimizben özara tiimdi ıntımaqtastıq ornatıp kelemiz», – dep jauap qattı.

Replika. 2018 jılı naurızda ötken prezident saylauında Putin halıqtıñ 76,65% dauısımen törtinşi ret Resey Federaciyasınıñ prezidenti atandı. Bwğan reseylik tanımal filisof jäne äleumettanuşı Igor' Çubays: «Putinge dauıs bergen adamdar eldiñ bolaşağın oylamaytın, özgeristi qalamaytın konservatorlar. Bwl saylauda sayasi bäsekelestik pen azamattıq belsendilik joq. Onıñ barlığınıñ jolı kesilgen. Saylau qorıtındısı közboyauşılıq jäne öte ayanıştı», – degen pikir bildirgen. Qazirgi uaqıtta şeteldik basılımdar men halıq arasında «Putin däuiriniñ» qaşan ayaqtalatını jöninde qızu pikirtalas bolıp jatır.

"The Qazaq Times"