Aqsu audandıq sotında isi qaralıp jatqan 5 jigit. Almatı oblısı. 2019 jıl 20 jeltoqsan. Foto: Ğalım Ağeleuovtıñ facebook parağınan

Almatı oblısında «qıtaylardı tayaqqa jıqıtı» dep ayıptalğan Qızılağaş auılınıñ bes azamatı prokurormen processualdıq kelisim jasaydı.

5 jigittiñ advokatı Janar Balğabaeva Azattıqqa bergen swqbatında:

– Bügin sot procesin ıqşamdalğan küyde ötkizu nemese processualdıq kelisim jasasu turalı ötiniş bergenbiz. Qazir prokurormen processualdıq kelisim jasasamız. Ol boyınşa jigitterge eki jılğa bas bostandığın şekteu jazası qarastırılğan, – dedi.

Balğabaevnıñ sözinşe, bwl proces 25 jeltoqsan sağat 15:00-de qaralmaq. Qorğauşınıñ kuälik sözine qarağanda, köp jwrt qatısqan sot otırısınıñ üzilis kezinde «qattı ajiotaj» bolıp, «arnayı jasaq ökilderi kelgen».

– Halıq ne bolğanın tüsinbedi. Tolqu bastaldı. Prokuror erteñ bas bostandığı şektelgennen keyin azamattar bostandıqqa şığadı dep aytqannan keyin ğana halıq tınıştaldı, – dedi ol.

Sotqa iste «jäbirlenuşi» retinde tanılğan qıtay jwmısşıları kelmegen. Oqiğa kuägerleriniñ sözinşe, prokuror «bes jigitti erteñ bosatuğa uäde bergen».

Biıl 8 qazanda Qızılağaş auılınıñ bes azamatı bir top qıtay jabılğan töbelesinen zardap şekken qazaqtıñ esesin qaytarmaq nietpen Qıtaydıñ jiırma şaqtı azamatın soqqığa jığıp, onıñ 11-i jeñil, üşeui orta deñgeyde jaralanğan. Bir qızığı, qıtay azamattarı eline qaytarılıp, bes qızılağaştıqqa qatıstı Qılmıstıq kodekstiñ «qaru nemese suıq qaru qoldanıp densaulıqqa ziyan keltiru» (293-bap) babımen is qozğalğan.

Atalğan oqiğa sebepkeri bes qızılağaştıqtı Jañaözen qalasınıñ twrğındarı qoldaytının jariyaladı.

;feature=share&fbclid=IwAR3SlihDjYrg1uvSECsNte4utz6lfpHSbTO6NCfBbf7BwNOuK7bgxjckil8

"The Qazaq Times"