اقسۋ اۋداندىق سوتىندا ءىسى قارالىپ جاتقان 5 جىگىت. الماتى وبلىسى. 2019 جىل 20 جەلتوقسان. فوتو: عالىم اعەلەۋوۆتىڭ facebook پاراعىنان

الماتى وبلىسىندا «قىتايلاردى تاياققا جىقىتى» دەپ ايىپتالعان قىزىلاعاش اۋىلىنىڭ بەس ازاماتى پروكۋرورمەن پروتسەسسۋالدىق كەلىسىم جاسايدى.

5 جىگىتتىڭ ادۆوكاتى جانار بالعاباەۆا ازاتتىققا بەرگەن سۇقباتىندا:

– بۇگىن سوت پروتسەسىن ىقشامدالعان كۇيدە وتكىزۋ نەمەسە پروتسەسسۋالدىق كەلىسىم جاساسۋ تۋرالى ءوتىنىش بەرگەنبىز. قازىر پروكۋرورمەن پروتسەسسۋالدىق كەلىسىم جاساسامىز. ول بويىنشا جىگىتتەرگە ەكى جىلعا باس بوستاندىعىن شەكتەۋ جازاسى قاراستىرىلعان، – دەدى.

بالعاباەۆنىڭ سوزىنشە، بۇل پروتسەس 25 جەلتوقسان ساعات 15:00-دە قارالماق. قورعاۋشىنىڭ كۋالىك سوزىنە قاراعاندا، كوپ جۇرت قاتىسقان سوت وتىرىسىنىڭ ءۇزىلىس كەزىندە «قاتتى اجيوتاج» بولىپ، «ارنايى جاساق وكىلدەرى كەلگەن».

– حالىق نە بولعانىن تۇسىنبەدى. تولقۋ باستالدى. پروكۋرور ەرتەڭ باس بوستاندىعى شەكتەلگەننەن كەيىن ازاماتتار بوستاندىققا شىعادى دەپ ايتقاننان كەيىن عانا حالىق تىنىشتالدى، – دەدى ول.

سوتقا ىستە «جابىرلەنۋشى» رەتىندە تانىلعان قىتاي جۇمىسشىلارى كەلمەگەن. وقيعا كۋاگەرلەرىنىڭ سوزىنشە، پروكۋرور «بەس جىگىتتى ەرتەڭ بوساتۋعا ۋادە بەرگەن».

بيىل 8 قازاندا قىزىلاعاش اۋىلىنىڭ بەس ازاماتى ءبىر توپ قىتاي جابىلعان توبەلەسىنەن زارداپ شەككەن قازاقتىڭ ەسەسىن قايتارماق نيەتپەن قىتايدىڭ جيىرما شاقتى ازاماتىن سوققىعا جىعىپ، ونىڭ 11-ءى جەڭىل، ۇشەۋى ورتا دەڭگەيدە جارالانعان. ءبىر قىزىعى، قىتاي ازاماتتارى ەلىنە قايتارىلىپ، بەس قىزىلاعاشتىققا قاتىستى قىلمىستىق كودەكستىڭ «قارۋ نەمەسە سۋىق قارۋ قولدانىپ دەنساۋلىققا زيان كەلتىرۋ» (293-باپ) بابىمەن ءىس قوزعالعان.

اتالعان وقيعا سەبەپكەرى بەس قىزىلاعاشتىقتى جاڭاوزەن قالاسىنىڭ تۇرعىندارى قولدايتىنىن جاريالادى.

;feature=share&fbclid=IwAR3SlihDjYrg1uvSECsNte4utz6lfpHSbTO6NCfBbf7BwNOuK7bgxjckil8

"The Qazaq Times"