Körneki suret. Foto: «QazAtomÖnerkäsip» WAK AQ keñsesi

Tabiği urannıñ iri öndiruşisi «Qazatomönerkäsip» wlttıq atom kompaniyası» AQ äkimşilik jauapkerşilikke tartıldı.

QR Energetika ministrliginiñ baspasöz qızmeti taratqan habar boyınşa,  tekseris nätijesinde anıqtalğan qwqıq bwzuşılıqtı joyu turalı wyğarım jasalğan. Säykesinşe, qwzırlı organdar «Qazatomönerkäsip» WAK» AQ-nıñ üstinen äkimşilik qwqıq bwzuşılıq jöninde is qozğap, äkimşilik jaza tağayındağan.

«QR Energetika ministrliginiñ Atomdıq jäne energetikalıq qadağalau men baqılau komiteti uran eksportı men importı boyınşa Qazaqstan Respublikasınıñ wlttıq operatorı märtebesine ie «Qazatomönerkäsip» WAK» AQ-ğa qatıstı atom energiyasın paydalanu salasındağı normativtik-qwqıqtıq aktilerdiñ talaptarına säykestigine tekseru jürgizdi. Tekseru barısında tabiği urandı jöneltu, personaldı oqıtu jäne fizikalıq qorğau josparınıñ boluı kezinde uäkiletti organdı uaqtılı habardar etpeu böliginde atom energiyasın paydalanu salasındağı normativtik-qwqıqtıq aktiler talaptarınıñ bwzıluı anıqtaldı», – delingen vedomstvo habarlamasında.

Äsilinde «Qazatomönerkäsip» WAK» AQ – uran, sirek metaldar, atom elektr stanciyalarına arnalğan yadrolıq otın importı men eksportı boyınşa Qazaqstan Respublikasınıñ wlttıq operatorı. 2009 jıldan beri Qazaqstan tabiği uran öndiru boyınşa älemdik köşbasşı.

Wlttıq atom kompaniyasınıñ aktivteri geologiyalıq barlau, uran öndiru, yadrolıq otın ciklınıñ önimderin öndiruden bastap, ğılım, äleumettik qamtamasız etu jäne maman dayarlauğa deyingi tüpki önim öndiru tizbegine qatısatın käsiporındar keşenin qamtidı. Biraq 21 mıñ adamdı qızmetpen qamtıp otırğan kompaniya öndirisiniñ 100%-ı şetelge eksporttaladı. Älemdik uran öndirisindegi kompaniya ülesi 23%. Bıltır kompaniyağa önim satudan jäne qızmet körsetuden 436 632 million teñge tabıs tüsken.

"The Qazaq Times"