Foto: https://it-tuner.ru

QR İşki ister ministrligi jeke kuälik pen bank kartaların WhatsApp arqılı joldau qauipti dep eskertu jasadı.  

QR İİM Qılmıstıq policiya departamentiniñ kiberqılmısqa qarsı küres ortalığı bastığınıñ orınbasarı Rüstem Düysetaev vedomstvoda ötken baspasöz mäslihatında: «Qauipsizdik üşin kilt sözderdi (äleumettik jelide nemese telefonda) jii özgertip twrğan jön. Sebebi, qazir qolıñızdağı telefonda bäri saqtaladı. Ömiriñizde bir ret bolsın, WhatsApp arqılı jeke kuäliktiñ suretin jibergen bolarsızdar. Key jağdayda azamattar bank kartalarınıñ da suretin joldaydı. Mwndaydan saqtanu kerek. Öytkeni, bwl qwjattardıñ köşirmesimen-aq onlayn-sauda jasay beruge boladı. Internetti paydalanudıñ qarapayım erejelelerin saqtağan dwrıs», – dep mälimdedi.

Osığan deyin İİM ökilderi internet-alayaqtıqtıñ basım böligi transşekaralıq sipatqa ie ekenin atap ötken bolatın. Mälimetter boyınşa, qolğa alınğan şaralardıñ arqasında biıl osınday mıñğa tarta qılmıs aşılğan. Osı qılmıstarğa qatıstı 388 adam wstaldı. Olardıñ 160-ı eki nemese odan da köp qılmısqa qatısı bar degen küdikke ilingen.

"The Qazaq Times"