Almatı äkiminiñ grantın aluşı qalamgerlerdiñ ekinşi legi. 20 jeltoqsan 2019 jıl. Foto: Almatı äkimdigi

Keşe Almatı äkimi B. Sağıntaev Qazaqstan Jazuşılar odağınıñ almatılıq müşelerine arnayı grant tabıstadı.  

Kezdesu barısında şığarmaşıl 60 jazuşı äkim grantınıñ iegeri atandı. Bwğan deyin ataulı granttı 90 jazuşı, aqın jäne ädebi sınşılar alğan bolatın. Är grant iegerine 500 mıñ teñge köleminde sertifikat wsınıldı.

Äkimdiktiñ baspasöz qızmetiniñ mälimdeuinşe, grant jas jazuşılardıñ şığarmaşılıq äleuetin aşuğa qoldau körsetu jäne qalıptasqan söz zergerlerin atap ötu jönindegi igi şaralardıñ biri bolıp tabıladı.

Şahar basşısı Baqıtjan Sağıntaev  öz sözinde kitap şığaru boyınşa, Jazuşılar üyin jöndeu isinde, şığarmaşılıq konkurstardı ötkizude qalanıñ tiisti qoldau körsetetinin atap ötti.

Aldağı jılı jazuşılar men aqındar keler jılı Abay men äl-Farabidiñ qwrmetine ötetin mereyli şaralardıñ, sonımen qatar Altın Ordanıñ 750 jıldığın atap ötudiñ kontentin qalıptastıruğa öz ülesterin qosa aladı.

Grant iegerleri. Foto: Almatı äkimdigi

"The Qazaq Times"