Körneki kollaj. Foto: aşıq derekközderden

Memleket basşısı Toqaevtıñ jarlığımen Aqordada birqatar kadrlıq tağayındaular jasaldı. Prezidentiniñ äkimşiligi bastığınıñ birinşi orınbasarı Darhan Käletaev qızmetinen bosatıldı. Wzaq jıldar boyı deputat jäne ükimet vice-ministri bolğan qazirgi prezidenti äkimşiliginiñ basşısı Erlan Qoşanovtıñ birinşi orınbasarı qızmetine Mäulen Äşimbaev qayta (2006-2011 j.j. osı lauazımda bolğan – red.) keldi. Mäulen Äşimbaev bıltır aqpannan bastap «Nwr Otan» partiyası törağasınıñ birinşi orınbasarı, al biıl şildeden beri memleket basşısınıñ kömekşisi bolğanın eske salğan jön.

Sayasat ğılımdarınıñ doktorı därejesindegi memlekettik basqaruda 25 jılğa juıq täjiribesi bar Darhan Käletaevtıñ ne üşin bosatılğanı nemese qayda orın auıstırarı äzirge belgisiz. Ol soñğı onjıldıqta «Samwrıq-Qazına» wlttıq äl-auqat qorınıñ atqaruşı direktorı, senat deputatı, ministr, ükimet basşısı keñesiniñ törağası, PÄ bastığınıñ orınbasarı qızmetterinde boldı. «Qwrmet» ordeniniñ iesi Käletaev soñğı qızmetine 25 naurızda kirisken bolatın. Ärtürli beyresmi aqparat közderiniñ aqparatı boyınşa, eks-şeneuniktiñ üstinen rastalmağan tekserister jürip jatqan körinedi.

"The Qazaq Times"