مەملەكەت باسشىسى توقاەۆتىڭ جارلىعىمەن اقوردادا بىرقاتار كادرلىق تاعايىنداۋلار جاسالدى. پرەزيدەنتىنىڭ اكىمشىلىگى باستىعىنىڭ ءبىرىنشى ورىنباسارى دارحان كالەتاەۆ قىزمەتىنەن بوساتىلدى. ۇزاق جىلدار بويى دەپۋتات جانە ۇكىمەت ۆيتسە-ءمينيسترى بولعان قازىرگى پرەزيدەنتى اكىمشىلىگىنىڭ باسشىسى ەرلان قوشانوۆتىڭ ءبىرىنشى ورىنباسارى قىزمەتىنە ماۋلەن اشىمباەۆ قايتا (2006-2011 ج.ج. وسى لاۋازىمدا بولعان – رەد.) كەلدى. ماۋلەن اشىمباەۆ بىلتىر اقپاننان باستاپ «نۇر وتان» پارتياسى توراعاسىنىڭ ءبىرىنشى ورىنباسارى، ال بيىل شىلدەدەن بەرى مەملەكەت باسشىسىنىڭ كومەكشىسى بولعانىن ەسكە سالعان ءجون.
ساياسات عىلىمدارىنىڭ دوكتورى دارەجەسىندەگى مەملەكەتتىك باسقارۋدا 25 جىلعا جۋىق تاجىريبەسى بار دارحان كالەتاەۆتىڭ نە ءۇشىن بوساتىلعانى نەمەسە قايدا ورىن اۋىستىرارى ازىرگە بەلگىسىز. ول سوڭعى ونجىلدىقتا «سامۇرىق-قازىنا» ۇلتتىق ءال-اۋقات قورىنىڭ اتقارۋشى ديرەكتورى، سەنات دەپۋتاتى، مينيستر، ۇكىمەت باسشىسى كەڭەسىنىڭ توراعاسى، ءپا باستىعىنىڭ ورىنباسارى قىزمەتتەرىندە بولدى. «قۇرمەت» وردەنىنىڭ يەسى كالەتاەۆ سوڭعى قىزمەتىنە 25 ناۋرىزدا كىرىسكەن بولاتىن. ءارتۇرلى بەيرەسمي اقپارات كوزدەرىنىڭ اقپاراتى بويىنشا، ەكس-شەنەۋنىكتىڭ ۇستىنەن راستالماعان تەكسەرىستەر ءجۇرىپ جاتقان كورىنەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى