Mwğalim Bahıt Kaukenov pen policiya basqarmasınıñ bastığı Daniyar Meyirhan qol alısıp twr. Foto: Raşid Ayupovtıñ facebook parağınan

Qoğam, Türkistan äkimi, eki ministr jäne basqa da mekemeler araşa bolıp jürip, podpolkovnik mwğalimnen «zañbwzuşılığı» üşin keşirim swradı.

Mektep äjethanasına «küzetke twrmadıñ» dep oquşı-wstazdardıñ közinşe mwğalimniñ qolınan qayırıp alıp ketken policiya departamentiniñ bastığı men onıñ naryadınıñ äreketi qoğamda qızu talqılandı. Ayağınan su ötip ketkendikten, auıstıruğa «kestedegi kezekşilik» kezinde ğimaratqa kirgen dene şınıqtıru päniniñ mwğalimi Bahıt Manaswlına qalalıq policiya basqarmasınıñ bastığı Daniyar Meyirhannıñ «dörekilik tanıtqanı» köpşiliktiñ aşı sınına wşırap edi.

Bilim ministri Ashat Aymağambetovtıñ jağday turalı pikiri. 13 jeltoqsan 2019 jıl. Foto: facebook parağınan skrinşot-qiındı

Bügin bilim ministri Ashat Aymağambetov öziniñ facebook parağındağı jazbasında  mwğalimmen jeke söyleskenin, jağdaydı baqılauğa alğanın mälimdedi. Elimizdiñ bas mwğalimi «vedomstvo tarapınan «abıroyına nwqsan kelgen» mwğalimdi qorğau boyınşa barlıq qajetti şaralar qabıldanatının» jäne  «oqiğağa qatısı bar adamdardı jauapkerşilikke tartudı talap etetinin» jetkizdi. Artınşa keşkilik uaqıtta Türkistan qalasınıñ äkimi Raşid Ayupov pen birqatar belsendi azamattar äleumettik jelide policiya podaolkovnigi wstazdan keşirim swrap,  kikiljiñdesken eki taraptıñ tatulasqanı turalı habar tarattı.

Türkistan qalasınıñ äkimi Raşid Ayupovtıñ "süyinşi" jazbası. Türkistan. 13 jeltoqsan 2019 jıl. Foto: facebook parağınan skrinşot-qiındı

Mädenieti men tarihı tek bir öñirge ğana emes, külli türki jwrtına ortaq köne şahardıñ äkimi «mwnday jağdaylardıñ qaytalanbauı üşin barlıq amal jasalatınına» uäde berdi. Al jağday kuägerleri qaladağı jauaptı mekemeleri (bilim basqarması, äkim apparatı, bilim bölimi, policiya departamenti) «mwğalimniñ janınan bir eli qalmay qaumalap jürip keşirim aluğa jetisken» deydi.

Türkistan oblısınıñ policiya departamentiniñ habarlauınşa, «Daniyar Meyirhanğa qatıstı qızmettik tekseris jürgiziluine baylanıstı oblıstıq policiya departamenti bastığınıñ bwyrığımen ol jwmısınan uaqıtşa şettetilgen». Sonday-aq qwzırlı organnıñ habarlamasında «tekseru jwmıstarıişki ister ministri, policiya general-leytenantı E.Twrğımbaevtıñ jeke baqılauında» delingen.

Türkistan policiya departamentiniñ resmi mälimdemesi. 13 jeltoqsan 2019 jıl. Foto: facebook parağınan skrinşot-qiındı

Eki ministr baqılauına alğan istiñ şeşimi jayında kündiz Türkistan oblısınıñ bilim basqarmasınıñ ökili Rahımbek Jolaev  «policiya qızmetkerleriniñ rwqsatsız reyd jürgizgenin» jäne bwğan basqarma «jariyalı türde keşirim swraytının», jauaptılarğa «tiisti şara qoldanılatının» jetkizip edi. Biraq bitim jabıq türde ötken. Azamattıq qoğam ökilderi «zañbwzuşılıqtıñ» tikeley efirde düyim jwrttıñ aldında bolğandıqtan, keşirimdi de beynejazba türinde swrasın degen talap qoyuda. Olar mwnıñ özge şeneunikterge sabaq bolatının alğa tartadı.

Mwğalim Bahıt Kaukenov pen policiya basqarmasınıñ bastığı Daniyar Meyirhan qol alısıp twr. Foto: Raşid Ayupovtıñ facebook parağınan

Keşe, jeltoqsannıñ 13-i Türkistan qalasınıñ M.Jwmabaev atındağı №15 mektep-gimnaziyasında jergilikti policey men mwğalim arasında söztalas tuıp, el işinde qızu talqılanğanın ayta ketken jön.

"The Qazaq Times"