مۇعالىم باحىت كاۋكەنوۆ پەن پوليتسيا باسقارماسىنىڭ باستىعى دانيار مەيىرحان قول الىسىپ تۇر. فوتو: راشيد ايۋپوۆتىڭ facebook پاراعىنان

قوعام، تۇركىستان اكىمى، ەكى مينيستر جانە باسقا دا مەكەمەلەر اراشا بولىپ ءجۇرىپ، پودپولكوۆنيك مۇعالىمنەن «زاڭبۇزۋشىلىعى» ءۇشىن كەشىرىم سۇرادى.

مەكتەپ اجەتحاناسىنا «كۇزەتكە تۇرمادىڭ» دەپ وقۋشى-ۇستازداردىڭ كوزىنشە مۇعالىمنىڭ قولىنان قايىرىپ الىپ كەتكەن پوليتسيا دەپارتامەنتىنىڭ باستىعى مەن ونىڭ ناريادىنىڭ ارەكەتى قوعامدا قىزۋ تالقىلاندى. اياعىنان سۋ ءوتىپ كەتكەندىكتەن، اۋىستىرۋعا «كەستەدەگى كەزەكشىلىك» كەزىندە عيماراتقا كىرگەن دەنە شىنىقتىرۋ ءپانىنىڭ مۇعالىمى باحىت ماناسۇلىنا قالالىق پوليتسيا باسقارماسىنىڭ باستىعى دانيار مەيىرحاننىڭ «دورەكىلىك تانىتقانى» كوپشىلىكتىڭ اششى سىنىنا ۇشىراپ ەدى.

ءبىلىم ءمينيسترى اسحات ايماعامبەتوۆتىڭ جاعداي تۋرالى پىكىرى. 13 جەلتوقسان 2019 جىل. فوتو: facebook پاراعىنان سكرينشوت-قيىندى

بۇگىن ءبىلىم ءمينيسترى اسحات ايماعامبەتوۆ ءوزىنىڭ facebook پاراعىنداعى جازباسىندا  مۇعالىممەن جەكە سويلەسكەنىن، جاعدايدى باقىلاۋعا العانىن مالىمدەدى. ەلىمىزدىڭ باس مۇعالىمى «ۆەدومستۆو تاراپىنان «ابىرويىنا نۇقسان كەلگەن» مۇعالىمدى قورعاۋ بويىنشا بارلىق قاجەتتى شارالار قابىلداناتىنىن» جانە  «وقيعاعا قاتىسى بار ادامداردى جاۋاپكەرشىلىككە تارتۋدى تالاپ ەتەتىنىن» جەتكىزدى. ارتىنشا كەشكىلىك ۋاقىتتا تۇركىستان قالاسىنىڭ اكىمى راشيد ايۋپوۆ پەن بىرقاتار بەلسەندى ازاماتتار الەۋمەتتىك جەلىدە پوليتسيا پوداولكوۆنيگى ۇستازدان كەشىرىم سۇراپ،  كيكىلجىڭدەسكەن ەكى تاراپتىڭ تاتۋلاسقانى تۋرالى حابار تاراتتى.

تۇركىستان قالاسىنىڭ اكىمى راشيد ايۋپوۆتىڭ ء"سۇيىنشى" جازباسى. تۇركىستان. 13 جەلتوقسان 2019 جىل. فوتو: facebook پاراعىنان سكرينشوت-قيىندى

مادەنيەتى مەن تاريحى تەك ءبىر وڭىرگە عانا ەمەس، كۇللى تۇركى جۇرتىنا ورتاق كونە شاھاردىڭ اكىمى «مۇنداي جاعدايلاردىڭ قايتالانباۋى ءۇشىن بارلىق امال جاسالاتىنىنا» ۋادە بەردى. ال جاعداي كۋاگەرلەرى قالاداعى جاۋاپتى مەكەمەلەرى ء(بىلىم باسقارماسى، اكىم اپپاراتى، ءبىلىم ءبولىمى، پوليتسيا دەپارتامەنتى) «مۇعالىمنىڭ جانىنان ءبىر ەلى قالماي قاۋمالاپ ءجۇرىپ كەشىرىم الۋعا جەتىسكەن» دەيدى.

تۇركىستان وبلىسىنىڭ پوليتسيا دەپارتامەنتىنىڭ حابارلاۋىنشا, «دانيار مەيىرحانعا قاتىستى قىزمەتتىك تەكسەرىس جۇرگىزىلۋىنە بايلانىستى وبلىستىق پوليتسيا دەپارتامەنتى باستىعىنىڭ بۇيرىعىمەن ول جۇمىسىنان ۋاقىتشا شەتتەتىلگەن». سونداي-اق قۇزىرلى ورگاننىڭ حابارلاماسىندا «تەكسەرۋ جۇمىستارىىشكى ىستەر ءمينيسترى، پوليتسيا گەنەرال-لەيتەنانتى ە.تۇرعىمباەۆتىڭ جەكە باقىلاۋىندا» دەلىنگەن.

تۇركىستان پوليتسيا دەپارتامەنتىنىڭ رەسمي مالىمدەمەسى. 13 جەلتوقسان 2019 جىل. فوتو: facebook پاراعىنان سكرينشوت-قيىندى

ەكى مينيستر باقىلاۋىنا العان ءىستىڭ شەشىمى جايىندا كۇندىز تۇركىستان وبلىسىنىڭ ءبىلىم باسقارماسىنىڭ وكىلى راحىمبەك جولاەۆ  «پوليتسيا قىزمەتكەرلەرىنىڭ رۇقساتسىز رەيد جۇرگىزگەنىن» جانە بۇعان باسقارما «جاريالى تۇردە كەشىرىم سۇرايتىنىن»، جاۋاپتىلارعا «ءتيىستى شارا قولدانىلاتىنىن» جەتكىزءىپ ەدى. بىراق ءبىتىم جابىق تۇردە وتكەن. ازاماتتىق قوعام وكىلدەرى «زاڭبۇزۋشىلىقتىڭ» تىكەلەي ەفيردە ءدۇيىم جۇرتتىڭ الدىندا بولعاندىقتان، كەشىرىمدى دە بەينەجازبا تۇرىندە سۇراسىن دەگەن تالاپ قويۋدا. ولار مۇنىڭ وزگە شەنەۋنىكتەرگە ساباق بولاتىنىن العا تارتادى.

مۇعالىم باحىت كاۋكەنوۆ پەن پوليتسيا باسقارماسىنىڭ باستىعى دانيار مەيىرحان قول الىسىپ تۇر. فوتو: راشيد ايۋپوۆتىڭ facebook پاراعىنان

كەشە، جەلتوقساننىڭ 13-ءى تۇركىستان قالاسىنىڭ م.جۇماباەۆ اتىنداعى №15 مەكتەپ-گيمنازياسىندا جەرگىلىكتى پوليتسەي مەن مۇعالىم اراسىندا ءسوزتالاس تۋىپ، ەل ىشىندە قىزۋ تالقىلانعانىن ايتا كەتكەن ءجون.

"The Qazaq Times"