Almatı qalasında Jeltoqsan jäne Jañaözen oqiğaları men onda qwrban bolğandardıñ ruhına as bergen QDP jiındağı qoğam belsendisi Janbolat Mamay. 14 jeltoqsan 2019 jıl. Foto: QT

14 jeltoqsan Janbolat Mamay bastağan Demokratiyalıq partiyanıñ wyımdastıru komitetiniñ bastamasımen belsendiler Almatıda Jeltoqsan jäne Jañaözen oqiğalarınıñ qwrbandarın eske aldı.

Kündiz sağat 12-00 şamasında  Sätbaev pen Baytwrsınwlı köşeleriniñ qiılısındağı «Astana» qonaq üyinde ötken jiınğa eldiñ är aymağınan belsendiler qatıstı. Jiınnıñ bastapqı böliginde qatısuşılar Jeltoqsan jäne Jañaözen oqiğası qwrbandarın bir minut ünsizdik tanıtıp, eske aldı. Qazirgi qazaq ädebietiniñ iri ökilderi, Jañaözen oqisanı turalı belsendi türde ün qatqan Qabdeş Jwmadilov pen Sofı Smataev täuelsizdiktiñ ötkeni men bügini jöninde oyların bölisti. Olar 15 öñirde beyresmi ştabtarı qwrılıp ülgergen "Qazaqstannıñ demokratiyalıq partiyasına" qoldaytının jetkizdi. "Jañaözen qırğınına 8 jıl" taqırıbında ötken alqalı jiında sayasatker Tölegen Jükeev, qoğam qayratkeri Rısbek Särsenbaywlı jäne publicist-sayasatker Ermwrat Bäpi söz söylep, özderiniñ ötkir pikirin ortağa saldı.

Belgili qalamger Irısbek Däbeydiñ Jañaözen taqırıbın arqau etken jaña "Qoñız" attı şığarması. 14 jeltoqsan 2019 jıl. Almatı. Foto: QT

Jañaözen oqiğasına 8 jıl toluına oray oytalqı jasap,  täuelsizdik tañındağı eñ auır oqiğa turalı twñğış ädebi tuındı, qalamger Irısbek Däbeydiñ «Qoñız» kitabınıñ twsaukeseri ötti.  Sonday-aq Demokratiyalıq partiyanıñ Almatı ştabınıñ qwrılğanı aytıldı. Kitap oqırmandarınıñ biri, jas aqın Asılan Quanışwılı öz işki tolınısın bildirdi:

– Bir uaqıt keledi... Däl osı roman üşin siz bop, biz bop Irısbek ağa Däbeyge alğıs jaudırarmız. Jäne, tipti, özimizge de aytuğa qorqatın işki mwñımız ben sırımızdı möldiretip, qanın sorğalatıp twrıp jariya qılğan "Qoñızdı" qoldan-qolğa ötkize, talasa-tarmasa oqırmız. Sebebi, taraqan-tirliktiñ qwrsauına tastay salğan, kereñ, soqır, mılqau "Qoñız Qwdaylar" äli de tiri. Olardıñ wrıqtarı tajalday tönip, äli qanşa ğasır mañdayımızğa mehnattıñ mörin basadı... Meniñşe, Irısbek ağa özinen keyingilerge (mümkin ülken buınğa da) dañğıl jol aşıp berdi. Jaña qauız aşıp kele jatqan "jaralı gülderdiñ" tağdırın, qanauşı, tonauşı, qatigez küştiñ qanıpezerlik qılmıstarın äşkere ete otırıp, gumanisttik oylarğa jeteleytin tıñ, iri tuındılardıñ jazıluına türtki bola aldı, – dedi.

Jeltoqsan jäne Jañaözen oqiğasınıñ qwrbandarın eske aluğa arnalğan jiındağı körme. 14 jeltoqsan 2019 jıl. Almatı. Foto: QT

Mamaydıñ aytuınşa äri internette tarağan beynedäyekterge qarağanda, jiınğa kelgisi kelgen aymaqtağı belsendilerge qısım jasalğan. Mäselen, «Qostanaydan jiınğa betalğan bir top azamattı policiya poyızdan tüsirip, äkimşilik jazağa tartqan». Sonımen qosa osığan wqsas «bögeu» operaciyası Qızılorda men Tarazda da bolğan.

Demokratiyalıq partiyanıñ Almatıdağı ştabınıñ basşıları Irısbek Toqtasın men Nwrbol Bäyterekov. 14 jeltoqsan 2019 jıl. Almatı. Foto: QT

Basqosudıñ negizgi böliginde Demokratiyalıq partiyanıñ Almatıdağı ştab wyımı qwrılıp, oğan basşılıqqa Irısbek Toqtasın men Nwrbol Bäyterekov tağayındaldı. 2011 jılı jeti ayğa sozılğan mwnayşılar ereuiliniñ, Jañaözen oqiğasınıñ bir top kuägerleri arnayı şaqırtuımen kelip qatıstı. Söz alğan spiker, Oral qalasındağı partiya ştabınıñ törağası Janat Esentaev öz rizaşılığın tanıtıp, gitarasımen sayasi än orındadı.

QDP wyımına tanımal jazuşılar Qabdeş Jwmadil men Sofı Smataev qoldau bildirdi. 14 jeltoqsan 2019 jıl. Almatı. Foto: QT

"Jañaözen qasiretine arnalğan" jiında sayasi wyımnıñ müşesi Janbol Rahmatullin 5 bölimdi qamtitın arnayı qarardı tanıstırdı. Rezolyuciyada

  • 2011 jılğı Jañaözen-Şetpe oqiğasına "bwyrıq bergen jäne onı atqarğan" basşılar men qatısuşılardı qatañ tekseru-tergeuden ötkizu;
  • Beybit şeru, mitingke şığudı rwqsat swramay-aq, tek eskertu formasına auıstıru;
  • Sayast partiyalarğa teñqwqıqtı mümkindik beru;
  • Prezident jäne parlament saylauına qatıstı zañdardı qayta qarap, tolıqtıru;
  • Eks-prezident turalı zañdardı alıp tastau;
  • Sayasi twtqındardı dereu aqtap-bosatu, Qıtaydağı qısımnan qaşıp kelgen etnikalıq qazaqtardı qorğau... talaptarı bekitildi.

Jiınnıñ qararı qabıldanğannan keyin Jañaözen-Jeltoqsan qwrbandarına arnap as berilip, ruhtarına tağzım etip, qwran bağıştadı.

Jeltoqsan jäne Jañaözen oqiğasına qatıstı ötken jiınnıñ qorıtındı qararı qabıldanıp oqıldı. 14 jeltoqsan 2019 jıl. Almatı. Foto: QT

Sonday-aq QDP bastamaşısı Mamay «bozdaqtardı eske alatın jiınğa tituşka-şuıldaqtar jiberilse, bwl masqaranıñ kökesi, Jeltoqsan men Jañaözen qwrbandarınıñ ruhın qorlau dep qabıldaytının» aytqan edi.

Jinalğandar eldiñ är aymağınan kelgen. 14 jeltoqsan 2019 jıl. Almatı. Foto: QT

Qazannıñ 16-sı Janbolat Mamay men bastamaşıl top «Qazaqstannıñ demokratiyalıq partiyasın» qwratının mälimdegen bolatın.

 

"The Qazaq Times"