Bilim jäne ğılım ministrligi qosımşa tekseru jwmıstarın jürgize kele 5 joğarı oqu ornınıñ licenziyasın uaqıtşa toqtatu turalı şeşim qabıldadı.

Bilim ministrligi altı JOO-dan bwzuşılıqtar anıqtağan. Ashat Aymağambetov ministrlikte ötken baspasöz mäslihatında: «Biz bwğan deyin elimizde 5 JOO licenziyasınıñ uaqıtşa toqtatılğanın habarlağan bolatınbız. Büginde JOO-na qosımşa tekseru jwmıstarın jürgizudemiz, sonıñ nätijesinde tağı 5 JOO-nıñ licenziyasın uaqıtşa toqtatu turalı şeşim qabıldadıq. Şeşimmen kelispeytin JOO-nıñ zañ boyınşa şağımdanuğa 10 kün uaqıtı bar. Eger şağım tüspese nemese şağımdanğan jağdaydıñ özinde sot şeşimdi özgertpese biz olardıñ atauların jariyalay alamız. Jalpı JOO boyınşa problemalar jetkilikti. Anıqtalğanday, 1 kursqa 5 student qabıldansa, 4 kurstı 150 student bitirip şığadı. Demek 2,3 kurstarda jauapsız universitetter oqudan şığıp qalğan studentterdi qabıldaydı. Memleket basşısınıñ tapsırmasına säykes, biz JOO-na degen talaptı küşeyttik jäne joğarı bilim beru salasın retteudiñ jaña mehanizmderi engiziletin boladı», — dedi.

Ayta keteyik, küni keşe QR Prezidenti Qasım-Jomart Toqaev diplom taratatın kontorğa aynalğan JOO-larğa qatañ şaralar qabıldanuı tiis dep tapsırma berdi.

"The Qazaq Times"