Gülnar Karimovağa qarsı jaña is qozğaldı

Özbekstannıñ Bas prokuraturası Gülnar Karimovağa qarsı jaña is qozğadı.

Qadağalau organınıñ baspasöz qızmetindegiler atap ötkendey, Özbekstannıñ Bas prokuraturası men Ädilet ministrligi AQŞ, Şveycariya, Franciya, Resey Federaciyası jäne Latviya siyaqtı şet memlekettermen G.Karimovanıñ qılmıstıq jolmen alınğan 1,3 mlrd. AQŞ dolları tabısın qaytaru mäselesi boyınşa birlesip jwmıs jürgizip jatır, sonımen qatar jekelegen elderde de qılmıstıq isteri tergelude.

Tergeudegi qılmıstıq is ayasında keltirilgen zalaldıñ mölşeri 165 mln. AQŞ dollarınan astam jäne 85 mlrd-tı qwrağan. Osığan baylanıstı, bopsalau, iemdenu jolımen tonau nemese wrlau, Özbekstannıñ müddelerine qayşı mämile jasasu jäne eldiñ qılmıstıq kodeksiniñ tiisti baptarında qarastırılğan qılmıstıq qoğamdastıq qwrumen baylanıstı jasağan qılmıstar üşin jaña ayıp tağılğan.

Bas prokuratura taratqan mälimdemede: «Osı jwmıs ayasında halıqaralıq qwrılımdar men azamattardan G.Karimovanıñ bwrınğı tergeulerde qamtılmağan jaña qılmıstarı turalı derekter kelip tüsti. Bwl jañadan aşılğan män-jaylar jaña qılmıstıq is qozğauğa negiz boldı. Tergeu barısında G.Karimova birneşe adamnan twratın köptegen wyımdasqan qılmıstıq top qwrıp, qılmıstıq qauımdastıqtı basqarğan. G.Karimova jäne onıñ sıbaylastarı wyımdasqan toptardıñ qwramında jasağan qılmıstarı üşin sot tağayındağan jazanı ötep jatır», – delingen.

Gülnara Karimovağa qarsı is AQŞ-ta 2014 jılı qozğalğan. Özbekstan biligi de Karimovağa 53 mln dollar iemdendi degen ayıppen is qozğağan. 2017 jılı eldiñ Bas prokuraturası Karimova 10 jılğa sottalğanın habarladı. Biraq bir jıldan soñ Taşkent oblıstıq sotı onıñ jazasın bes jılğa erkindigin şekteuge (üyqamaqqa) auıstırdı. 2019 jılı naurızda onı qaytadan koloniyağa jiberdi.

"The Qazaq Times"