Irandağı narazılıq şarası küşpen basılğan. Foto: Reyter.

Irannıñ memlekettik telearnası qaraşadağı narazılıq kezinde ükimettiñ halıqqa oq atqanın rastadı. Alayda, narazı toptı eldi bülikke bastağan «banditter» jäne «bülikşiler» dep atağan.

Esteriñizde bolsa, bwdan birer apta bwrın Iranda janar jağar maydıñ qımbattauına baylanıstı halıqtıq narazılıq bolğan edi. Narazılıq kezinde Iranda ğalamtor jelisi apta boyı bwğattalıp qalğan bolatın. Birqatar Batıs elderi Irandı ereuilşilerge qarsı oq attı jäne osı äreketin jasıru üşin internetti bwğattadı dep ayıptağan.

Aqparat közderiniñ mälimetine qarağanda narazılıq kezinde qwqıq qorğau qızmetkerleri men narazı top arasında qaqtığıs kezinde 208 adam ölgenin aytadı. Keybir aqparat közderi bwl sandı 400-ge jetkenin aytadı. Al, eldiñ resmi ökilderi bwl mälimetterdi jalğan dep körsetti, alayda özderi adam ölimi turalı naqtı san körsetpedi.

Irannıñ IRTV2 arnasınıñ habarında «qwraldı banditter» men «köterilisşiler» qwqıq qorğauşılarğa jäne äleumettik nısandarğa qwraldı şabuıl jasadı degen. Habarda aytuınşa «köterilisşiler» Kerman provinciyasında mwnay nısandarın jarıp jiberudi josparlağan.

Bwğan deyin The New York Times basılımı Islam revolyuciyası saqşıları Bender-Maşahrda ereuilşilerge oq atıp, keminde 40 nemese 100-ge juıq adam ölgenin jazıp edi. Bwl şaharda ereuilşiler mwnay nısanın basıp aludı josparlğan. Alayda, Iran telearnasınıñ habarında «Köterilisşiler resmi soğıs bastadı» dep körsetken.

“ The Qazaq Times”