Irak prem'eri otstavkağa ketken bolatın. Foto: BBC.

Irak parlamenti prem'er-ministr Mahdidiñ otstavkasın maqwldadı, ol jwma küni doğarıstı qabıldap, qızmetinen ketti. Alayda eki ayğa juıq uaqıttan jalğasqan narazılıq äreketteri tolastar emes. Prezident Barham Saleh endi parlamenttegi eñ ülken toptan jaña prem'er-ministrdi tağayındaudı swrap otır.

Irak ükimetiniñ jaña prem'er-ministrin saylau birneşe aptağa sozılıp ketui mümkin. Sebebi, qaysı partiyanıñ basımdıqqa ie ekeni anıq emes. Jaña ükimet pen jaña basşı tağayındalğanğa deyin Mahdi men ol qwrğan bwrınğı ükimet uaqıtşa qızmetin atqarıp twrmaq.

Mahdidiñ qızmetinen ketui Irak azamattarınıñ narazılığın basa alması mümkin. Sebebi, olar bir ğana Mahdidıñ otstavkasın talap etip otırğan joq. El biliginiñ, bilik jüyesiniñ tolıqtay özgeruin ümit etedi. Olar el biligin «bwzılğan jäne Irak bolaşağın jaratuğa qabiletsiz» dep sanaydı. Äri, olar Iraktağı kedeylik taqsiretin tartıp otırğan halıqtıñ mäselesin şeşe almaydı dep qaraydı.

Şınında da, Iraktıñ otstavkağa ketken basşısı ğana emes, partiyalarınıñ da sıbaylas jemqorlıqqa belşesinen batqanı turalı sol eldiñ lauazımdıları da moyındaydı. Alğaşqı narazılıqtı küşpen basuğa ärekettengen basşısı aqırı qızmetinen ketti. Alayda, Irak ükimeti jemqorlıq sındı jegi qwrt qausatqan käri emendey teñselip twr. Bwl jağday bizdiñ de elde joq emes.

“The Qazaq Times”