Resey halqı jappay ereuilge şıqtı

26 naurızda Reseydiñ onnan astam qalalarında jemqorlıqqa qarsı jappay ereuilder orın aldı. 

Policiya biliktegilerdiñ  bwyrığımen ereuilge şıqqan beybit twrğındardı jappay qudalap, türmege japtı. Tek Mäskeudiñ özinde  500-den astam adam wstalıp, temir torğa toğıtıldı dep habarlaydı bbc.com. 

Jemqorlıqqa qarsı ereuil RF-nıñ köptegen iri qalalarında birneşe mıñdağın adamdardıñ qatısuımen bolıp ötti. Bilik ökilderine jappay qauipsizdik şaraların jüzege asıruğa tura keldi. Sankt-Peterburg. Osı sekildi suretterdi kötergen halıq  prem'er-ministr Dmitriy Medvedev  Aleksey Naval'nıydıñ ayıptaularına jauap qatuın talap etude.

Mäskeudegi Puşkin alañında ereuilge şıqqandardı birden taratuğa tırısıp, qarsılıq körsetkenderdi qamauğa aldı.Halıqtıñ basım böligi qoldarına RF-nıñ memlekettik tuın wstap şıqtı.

Wstalğandardıñ  üstinen RF äkimşilik qwqıq bwzuşılıq boyınşa kodekstiñ 20.2  babına säykes "jinalıstar, mitingiler, demonstraciyalar, şeruler ötkizu nemese ötkizu tärtibin bwzu"  boyınşa protokoldar toltırıladı. Aleksey Naval'nıy şerudiñ bastaluı turalı mälimdeme jasamastan bir sağat bwrın, alañğa jinaluşılardı sebepsiz wstap, küşpen taratu jwmıstarı jürgizilip ketti. Mäskeude wstalğan 500-den astam adamdardıñ işinde kämilet jasına tolmağan jasöspirimder de bolğan. 

Qamaqtağılar policiyanıñ arnayı kölikterniñ işinen de qarsılıqtarın bildirip, ereuildi jalğastırudı talap etude. 

Bwl postsovettik Reseydiñ tarihındağı eñ kölemdi ereuildiñ biri bolıp, akciyanıñ barısında wstalğandardıñ sanı rekordtıq körsetkişke jetken. Wstalğandardıñ işinde jemqorlıqqa qarsı şerudiñ wyımdastıruşısı Aleksey Naval'nıy da boldı. 

"The Qazaq Times"