Franciya kompaniyaları Qazaqstanğa $16,4 mlrd-tan astam investiciya qwyğan. Bwl turalı Franciya-Qazaqstan iskerlik keñesinde mälim boldı.

Sonımen qatar, resmi prımtminister.kz saytınıñ habarlauırşa, Francuz delegaciyası qwramında Total, Orano, Alstom, Airbus, Vicat, Air Liquide, Idemia, Renault CIS & LADA Export, Veolia, Bouygues Travaux Publics, Catering International Services, DV Conseil, Lazard, Sanofi, TechnipFMC, TECOFI S.A.S. kompaniyaları boldı.

Basqosuğa atalğan keñestiñ teñ törağaları, «Franciya-Qazaqstan» sauda-önerkäsip palatasınıñ müşeleri,Franciya käsiporındarı qozğalısınıñ (MEDEF)ökilderi al Qazaqstannan prem'er-ministr Asqar Mamin jäne birqatar şendiler qatıstı.

Biıl 9 ayda Qazaqstan men Franciya arasındağı tauar aynalımı Europalıq odaqtıñ basqa elderindegi körsetkişterden arta otırıp, 6%-dan astam östi jäne $3,4 mlrd bolğan. Qazirgi uaqıtta Qazaqstan Franciyadan elektr, elektrondıq jäne mehanikalıq jabdıqtardı, twtınu tauarların, däri-därmekter men kosmetikanı, avtomobil'derdi, azıq-tülik jäne qwrılıs materialdarın importtaydı. 1993 jıldan bastap 2012 jıldıñ 21 naurızına deyin Franciyadan Qazaqstanğa kelgen tikeley investiciyalardıñ jalpı kölemi 9,25 mlrd. astam dollar bolğan.

Ayta keteyik, francuz delegaciyasınan bölek, Franciya prezidenti Emmanuel' Makronnıñ Qazaqstanğa resmi issaparı josparlanıp jatır.

"The Qazaq Times"